Samstæðureikningur Heima hf. 2024 1
Efnisyfirlit
Skýrsla og yfirlýsing stjórnar og forstjóra ................................................................................................................. 2
Áritun óháðs endurskoðanda .................................................................................................................................. 6
Rekstrarreikningur og yfirlit um heildarafkomu ársins 2024 ................................................................................... 10
Efnahagsreikningur 31.desember 2024 ................................................................................................................ 11
Eiginfjáryfirlit árið 2024 .......................................................................................................................................... 12
Sjóðstreymisyfirlit ársins 2024 ............................................................................................................................... 13
Skýringar ............................................................................................................................................................... 14
Ársfjórðungayfirlit (óendurskoðað) ....................................................................................................................... 35
Stjórnarháttayfirlýsing (óendurskoðað) .................................................................................................................. 36
Ófjárhagslegar upplýsingar (óendurskoðað) ......................................................................................................... 40
Skilgreiningar vegna ESEF skýrsluskila (óendurskoðað) ...................................................................................... 51
Samstæðureikningur Heima hf. 2024 2
Skýrsla og yfirlýsing stjórnar og forstjóra
Heimar hf. („Heimar“ eða „félagið“) er íslenskt hlutafélag í dreifðu eignarhaldi og skráð í Kauphöll Íslands (NASDAQ
Iceland hf.). Ársreikningurinn hefur að geyma samstæðureikning Heima og dótturfélaga. Í samstæðunni eru 12
dótturfélög. Heimar er fasteignafélag sem fjárfestir í, leigir út og annast rekstur á atvinnuhúsnæði á Íslandi.
Heimar er brautryðjandi og framsækið fasteignafélag sem er eftirsóknarverður samstarfsaðili og vinnuveitandi.
Heimar fjárfestir til langs tíma í fasteignum með sérstaka áherslu á eftirsótta kjarna þar sem umhverfisleg sjálfbærni
er höfð að leiðarljósi við að skapa sjálfbæra kjarna framtíðarinnar. Félagið hefur sett sér stefnu og markmið um
skiptingu eignasafnsins eftir staðsetningu, atvinnugreinum, viðskiptavinum og umhverfisvottun fasteigna. Félagið
einsetur sér að vera leiðandi í mótun og rekstri fasteigna auk þess að stuðla að velferð samfélags, bættum
lífsgæðum og umhverfi íbúa. Heimar telur grænar áherslur fyrirtækja vera einn af lykilþáttum í rekstri þeirra og telur
að með samfélagslega ábyrga hugsun að leiðarljósi verði til ný viðskiptatækifæri og fyrirtæki verði
samkeppnishæfari til framtíðar.
Grunnþættir viðskiptalíkans félagsins eru í útleigu atvinnuhúsnæðis til félaga og stofnana. Meginstarfssvæði
félagsins er á höfuðborgarsvæðinu þar sem yfir 90% af eignum og tekjum félagsins eru. Félagið á 94 fasteignir
sem alls eru um 365 þúsund m
2
að stærð. Stærstu fasteignir félagsins eru verslunarmiðstöðin Smáralind,
Katrínartún 2 (Höfðatorg) og Egilshöll.
Starfsemi ársins
Stöðug eftirspurn hefur verið eftir húsnæði félagsins og í lok árs var lítið um laus rými í safni félagsins. Útleiguhlutfall
félagsins var 97% í lok ársins 2024. Félagið hefur undanfarin ár sett markmið um hlutdeild opinberra aðila af
leigutekjum og hefur sú hlutdeild haldist nokkuð stöðug síðustu misseri. Á árinu 2024 voru 33% af leigutekjum
félagsins frá opinberum aðilum og ef tekin eru með skráð félög og bankar er hlutfallið 45%. Afkoma ársins var
umfram upphaflega rekstraráætlun ársins sem var birt í febrúar 2024 en í takt við uppfærða rekstraráætlun sem
var birt í desember 2024.
Stjórnendur félagsins telja að horfur í rekstri séu góðar. Nýting eigna er góð sem og eftirspurn, en gerðir voru 93
leigusamningar á árinu fyrir 33.653 m
2
.
Stjórn félagsins hefur samþykkt áhættustefnu sem hefur það að markmiði að uppgötva og greina áhættur, setja
viðmið um áhættur og hafa eftirlit með þeim. Nánar er fjallað um stýringu áhættu í skýringum 21-24. Félagið mætir
helstu áhættum með því að halda sterkri eiginfjár- og lausafjárstöðu ásamt tryggu aðgengi að lánsfjármagni.
Hluthafafundur samþykkti nýtt nafn móðurfélags samstæðunnar, Heimar hf., þann 29. maí 2024. Undirbúningur að
endurmörkun félagsins stóð yfir í nokkur misseri. Var heildarásýnd félagsins endurskoðuð frá grunni og gerðar
greiningar á markaði samstæðunnar. Niðurstaðan var sú að finna nýtt nafn og marka nýja og ferska ásýnd. Á sama
tíma kom út ný heimasíða með nýju útliti og markaðsefni félagsins var uppfært.
Eignasafn félagsins er í stöðugri þróun, bæði með fjárfestingum í nýjum eignum og fjárfestingum innan
eignasafnsins. Einnig með sölu á fasteignum sem ekki samræmast áherslu atriðum í stefnu félagsins. Í október
2024 seldi félagið Módelhúsum ehf. fimm fasteignir utan kjarnasvæða félagsins. Heildarstærð eignanna er 8.962
fermetrar og söluverðið alls 3.275 m.kr. Eignirnar voru afhentar kaupanda 1. nóvember 2024.
Þann 29. apríl 2024 var tilkynnt að stjórn Heimar hefði ákveðið að afturkalla samrunatilkynningu félagsins vegna
fyrirhugaðs samruna félagsins við Eik fasteignafélags hf. (Eik) og að óskað hefði verið eftir heimild Fjármálaeftirlits
Seðlabanka Íslands til að falla frá valfrjálsu tilboði félagsins í allt hlutafé Eikar. Var það mat stjórnar að skilyrði
tilboðsins um að handhafar að lágmarki 75% atkvæðaréttar Eikar samþykktu tilboðið myndi fyrirsjáanlega ekki nást
áður en gildistími tilboðsins rynni út þann 21. maí 2024.
Þann 12. desember 2024 tilkynntu Heimar um samkomulag við hluthafa Grósku ehf. um að hefja einkaviðræður
um möguleg kaup Heima á öllu hlutafé í Grósku ehf. Þann 6. febrúar 2025 var gengið frá samkomulagi um helstu
skilmála um kaup á öllu hlutafé í Grósku ehf. og Gróðurhússins ehf. Gróska ehf. á fasteignina Grósku að
Bjargargötu 1, 102 Reykjavík, sem er um 18.600 m
2
að stærð. Gróðurhúsið rekur sprotasetur og vinnurými í
fasteigninni. Heildarvirði viðskiptanna er metið á 13.850 m.kr. og innifelur það virði fasteignarinnar og
Gróðurhússins. Viðskiptin munu fela í sér yfirtöku á skuldabréfaflokknum GROSKA 29 GB. Flokkurinn er
verðtryggður og ber 1,20% vexti. Gangvirði skuldabréfaflokksins á vaxtakjörum Heima er 4 ma.kr. Fyrirhugað er
að kaupverðið muni greiðast að öllu leyti með útgáfu og afhendingu 258 milljón nýrra hluta í Heimum, sem
samsvarar 12,76% af útistandandi hlutum eftir hlutafjáraukningu. Stjórnendur Heima áætla að áhrif kaupanna á
EBITDA félagsins á ársgrundvelli verði 780 m.kr. í kjölfar viðskipta. Samkomulagið er háð ýmsum fyrirvörum, m.a.
samþykki hluthafafundar, niðurstöðu áreiðanleikakannana, endanlega skjalagerð og samþykki
Samkeppniseftirlitsins.
Skýrsla og yfirlýsing stjórnar og forstjóra frh.
Samstæðureikningur Heima hf. 2024 3
Sjálfbærni
Síðastliðin ár hafa Heimar unnið að því að samþætta sjálfbærni í rekstri félagsins með sjálfbærnistefnu félagsins
að leiðarljósi. Sjálfbærnistefnan byggir á þeim sjö Heimsmarkmiðum Sameinuðu þjóðanna sem starfsemi Heima
hefur helst áhrif á. Félagið hefur sett sér mælanleg markmið sem endurskoðuð eru reglulega miðað við fyrri árangur
og áætluð verkefni. Á árinu 2024 var áhersla lögð á undirbúning félagsins fyrir birtingu sjálfbærniupplýsinga
samkvæmt nýrri tilskipun um sjálfbærniupplýsingagjöf fyrirtækja. Unnið var með niðurstöður tvöfaldrar
mikilvægisgreiningar frá árinu 2023 í samræmi við staðla ESRS ásamt því að unnið var með flokkunarreglugerð
ESB. Vinna við frekari greiningu á kolefnisspori Heima hélt áfram og bættist við nýr undirflokkur inn í
umhverfisuppgjör félagsins fyrir árið 2024. Nýtist sú vinna við setningu loftslagsmarkmiða fyrir félagið samkvæmt
SBTi aðferðafræðinni en Heimar fengu skuldbindingu sína til SBTi markmiðasetningar staðfesta á árinu.
Unnið var að ýmsum verkefnum í félaginu sem miða að aukinni sjálfbærni en m.a. var unnið að nýrri snjallsorpsstöð
í Egilshöll, sem stefnt er á að opna um mitt ár 2025. Vinna hélt áfram við vottun fasteigna félagsins með BREEAM
In-use vottun en á árinu fékk Áslandsskóli nývottun og Katrínartún 2 og Borgartún 8-16 endurvottun. Hlutfall
vottaðra fasteigna í eignasafni Heima er því komið í 38% í lok árs 2024. Heimar héldu áfram að styðja við
orkuskiptin með uppsetningu rafhleðslustöðva en annarri hraðhleðslustöð félagsins var komið upp við Litlatún 3 á
haustdögum. Vinna við hinar ýmsu orkulausnir, greiningar og mælavæðingu á stærri fasteignum félagsins hélt
áfram.
Á árinu var unnið að því að upplýsa starfsfólk um sjálfbærnitengd verkefni félagsins bæði á reglulegum fundum og
á grænni viku sem haldin var með fyrirlestrum um innleiðingu sjálfbærni í kjarnastarfsemi félagsins. Starfsfólk tók
einnig þátt í vinnuhópum með öðrum fyrirtækjum, félagasamtökum og stofnunum sem snúa að sjálfbærni og sótti
ráðstefnur um málefnið.
Fjármögnun
Á árinu 2024 hefur hægt á verðlagshækkunum en raunvaxtastig hefur haldið áfram að hækka þó hægt hafi á því
einnig. Verðtryggð vaxtakjör sem félaginu bjóðast á markaði hafi því farið hækkandi undanfarin misseri. Félagið
stækkaði græna skuldabréfaflokkinn HEIMAR50 GB á árinu 2024 fyrir samtals 2.000 m.kr. sem nýtt var til
fjárfestinga í eignasafninu og uppgreiðslu óhagstæðari fjármögnunar. Græn fjármögnun nam 40% í lok árs 2024
og er óbreytt frá fyrra ári. Einn 1.240 m.kr. skuldabréfaflokkur er á gjalddaga á árinu 2025. Félagið mun áfram nýta
það svigrúm sem umhverfisvottaðar fasteignir mynda til útgáfu grænna skuldabréfa og með því leitast við að afla
sem hagstæðastar fjármögnunar hverju sinni.
Horfur
Hækkun vaxta, verðlags og verðbólguhorfur hafa bein áhrif á rekstrartekjur og - gjöld félagsins til hækkunar. Það
er mat stjórnar og stjórnenda að samsetning leigutaka dragi verulega úr áhættu á auknum vanskilum þrátt fyrir
hækkun á leigu til viðskiptavina félagsins og hafa undanfarin misseri sýnt það. Leigutekjur félagsins eru að
langmestum hluta verðtryggðar eða um 94%. Eftirspurn eftir leiguhúsnæði hefur haldist stöðug og leitast félagið
við að eignasafnið standi saman af eftirsóttum gæða eignum sem eftirspurn er eftir til framtíðar. Stærsti einstaki
kostnaðarliður félagsins að fjármagnsgjöldum undanskildum eru fasteignagjöld og nemur hækkun fasteignamats
á árinu 2025 um 5% frá fyrra ári.
Rekstur og fjárhagsstaða
Rekstrartekjur samstæðu Heima hf. námu 14.837 m.kr. á árinu 2024 (2023: 13.777 m.kr). Þar af voru leigutekjur
ársins 14.051 m.kr. Uppfærð rekstraráætlun fyrir árið 2024 gerði ráð fyrir að leigutekjur yrðu 13.900-14.100 m.kr.
og var 200 m.kr. hærri en upphafleg áætlun ársins. Rekstrargjöld samstæðunnar voru 4.783 m.kr. og
rekstrarhagnaður samstæðunnar fyrir matsbreytingu 10.054 m.kr. árið 2024 (2023: 9.408 m.kr.). Uppfærð
rekstraráætlun fyrir árið 2024 gerði ráð fyrir að rekstrarhagnaður fyrir matsbreytingu yrði 9.950 – 10.150 m.kr.
Matsbreyting fjárfestingareigna var 8.152 m.kr., söluhagnaður af sölu fjárfestingareigna var 289 m.kr. og afskriftir
af eignum til eigin nota 57 m.kr. Hrein fjármagnsgjöld voru 9.344 m.kr. og tekjuskattur 1.751 m.kr. Hagnaður ársins
var 8.233 m.kr. (2023: 3.818 m.kr). Hagnaður á hlut var 4,57 árið 2024 (2023: 2,11).
Heildareignir samstæðunnar námu 202.862 m.kr. í árslok 2024 (2032: 192.865 m.kr) samkvæmt efnahagsreikningi.
Þar af voru fjárfestingareignir í eigu félagsins 188.180 m.kr. (2023: 179.446 m.kr). Eigið fé félagsins var 64.521
m.kr. í lok árs (2023: 57.778 m.kr.). Þar af var hlutafé félagsins 1.764 m.kr. Eiginfjárhlutfall samstæðunnar var
31,8% í lok árs (2023: 30,0%). Vaxtaberandi lán voru í árslok 117.687 m.kr. þar af voru 5.330 m.kr. meðal
skammtímaskulda. Handbært fé í lok árs var 3.780 m.kr. og ónýttar lánsheimildir 4.700 m.kr. Ársverk voru 67 og
69 stöðugildi í árslok.
Skýrsla og yfirlýsing stjórnar og forstjóra frh.
Samstæðureikningur Heima hf. 2024 4
Handbært fé frá rekstri var 5.916 m.kr. (2023: 5.455 m.kr.). Fjárfest var í fjárfestingareignum fyrir 3.505 m.kr. á
árinu 2024 (2023: 4.378 m.kr.). Tekin voru ný græn lán fyrir 2.088 m.kr. og afborganir og uppgreiðslur vaxtaberandi
langtímaskulda 5.695 m.kr.
Upplýsingar um atburði eftir reikningsskiladag má finna í skýringu 27.
Arðgreiðslustefna Heima hf. felur í sér að greiða til hluthafa fjárhæð sem nemur um 1/3 hluta hagnaðar næstliðins
rekstrarárs annað hvort í formi arðgreiðslna eða með kaupum á eigin bréfum og lækkun á hlutafé. Í
arðgreiðslustefnu félagsins er tiltekið að taka eigi tillit til áhættu í ytra umhverfi, vaxtarhorfum og þess að félagið
viðhaldi til framtíðar traustri eigin- og lausafjárstöðu. Tillaga stjórnar er að greiddur verði arður að fjárhæð 750 m.kr.
á árinu 2025 og áframhaldandi heimild til endurkaupa eigin bréfa, allt að 10% af hlutafé til að framfylgja
arðgreiðslustefnu.
Hlutafé og eigendur
Nafnverð útgefins hlutafjár í félaginu er nú 1.809.546.970 kr. þar af á félagið eigin bréf af nafnvirði 45.645.833 kr.
Hlutaféð er í einum flokki. Hluthafar í félaginu voru 638 í ársbyrjun en 798 í árslok. Eignarhlutur tíu stærstu hluthafa
var eftirfarandi í árslok:
Virkur eignarhlutur
2024
2023
Brú lífeyrissjóður
11,79%
11,32%
Lífeyrissjóður starfsmanna ríkisins
10,97%
12,51%
Lífeyrissjóður verzlunarmanna
8,72%
10,68%
Gildi lífeyrissjóður
8,05%
7,85%
Birta lífeyrissjóður
7,89%
9,15%
Túnsteinn ehf.
3,97%
0,00%
Sigla ehf.
3,69%
3,59%
Frjálsi lífeyrissjóðurinn
2,96%
3,64%
Stapi lífeyrissjóður
2,86%
4,04%
Festa - lífeyrissjóður
2,53%
4,35%
Samtals eignarhlutur tíu stærstu hluthafa
63,42%
71,37%
Aðrir hluthafar samtals
36,58%
28,63%
Á aðalfundi félagsins 12. mars 2024 var samþykkt heimild til stjórnar til að kaupa hlutabréf í félaginu þannig það
ásamt dótturfélögum þess eigi, að öðrum lagaskilyrðum uppfylltum, allt að 10% af heildarhlutafé félagsins.
Heimildin gildir í 18 mánuði frá samþykkt hennar.
Stjórn félagsins virkjaði þann 16. september 2024 endurkaupaáætlun um kaup á eigin bréfum sem byggir á heimild
frá aðalfundi 12. mars 2024. Í kjölfar hennar voru virkjaðar tvær endurkaupaáætlanir til viðbótar, þ.e. þann 16.
október og 20. nóvember 2024, sem komu til framkvæmda hver á eftir annarri. Endurkaupum lauk 19. desember
2024. Félagið fjárfesti í, og á í lok árs, samtals 45.645.833 hluti sem nemur 2,52% af heildarhlutafé félagsins og
var heildarfjárfesting 1.500 m.kr. Engar hömlur eru lagðar á rétt hluthafa til sölu á hlutum sínum. Um eigendaskipti
og framkvæmd þeirra fer eftir gildandi lögum um rafræna eignaskráningu verðbréfa og reglna sem settar eru á
grundvelli þeirra. Á hluthafafundi fylgir eitt atkvæði hverri einni krónu í hlutafé.
Í september 2024 gaf félagið út kauprétti í Heimum hf. til stjórnenda og lykilstarfsmanna fyrir allt að 19.250.000
hlutum í samræmi við starfskjarastefnu félagsins og kaupréttaráætlun sem samþykkt var á hluthafafundi 30. ágúst
2024. Sjá nánar í skýringu 14.
Fjallað er um breytingar á eigin fé í eiginfjáryfirliti og skýringu 14.
Stjórn og stjórnarhættir
Stjórn Heima hf. leggur áherslu á að viðhalda góðum stjórnarháttum og að fylgja Leiðbeiningum um stjórnarhætti
fyrirtækja sem gefnar eru út af Viðskiptaráði Íslands, Nasdaq Iceland hf. og Samtökum atvinnulífsins, 6. útgáfu
2021. Stjórnin hefur sett sér ítarlegar starfsreglur þar sem valdsvið hennar er skilgreint sem og verksvið gagnvart
forstjóra. Tilnefningarnefnd var skipuð á árinu 2018 en markmiðið með skipan nefndarinnar er að tryggja hæfni,
reynslu og þekkingu stjórnarmanna og gagnsæi við stjórnarkjör. Félagið er með skráð hlutabréf í Kauphöll Íslands
(Nasdaq Iceland hf.) og ber því að fylgja Leiðbeiningum um stjórnarhætti.
Skýrsla og yfirlýsing stjórnar og forstjóra frh.
Samstæðureikningur Heima hf. 2024 5
Stjórn félagsins í árslok 2024 var skipuð eftirfarandi einstaklingum: Tómas Kristjánsson, formaður, Bryndís
Hrafnkelsdóttir, varaformaður, Benedikt Olgeirsson, Guðrún Tinna Ólafsdóttir og Heiðrún Emilía Jónsdóttir og er
því hlutfall kvenna í stjórn 60% en karla 40%. Uppfyllir félagið því ákvæði hlutafélagalaga um kynjahlutföll í stjórnum
hlutafélaga. Í framkvæmdastjórn félagsins sitja fjórir karlar (80%) og ein kona (20%). Hlutfall kvenna í
starfsmannafjölda félagsins var í árslok 43% og karla 57%.
Frekari upplýsingar um stjórn og stjórnarhætti er að finna í kaflanum stjórnarháttayfirlýsing sem er hluti ársreiknings
félagsins.
Ófjárhagsleg upplýsingagjöf
Í samræmi við ákvæði ársreikningalaga birtir félagið sérstakan kafla um ófjárhagslega upplýsingagjöf sem er hluti
af ársreikningi félagsins. Í þeim kafla birtir félagið t.d. árangur í sjálfbærnimálum. Félagið mun einnig útbúa sérstaka
sjálfbærniskýrslu með ófjárhagslegum upplýsingum fyrir árið 2024 og frekari sundurliðun í aðdraganda aðalfundar.
Sjálfbærniskýrslan verður aðgengileg á heimasíðu félagsins www.heimar.is.
Heimar hafa skilgreint megináhættur og lykilmælikvarða í tengslum við umhverfismál, félagslega þætti og
efnahagslega þætti. Í tilvísunartöflu sem einnig er birt á heimasíðu félagsins eru birtir 30 mælikvarðar þar sem
settir eru fram mælikvarðar á frammistöðu fyrirtækja tengdum UFS málaflokkum. Þá er umfjöllun um nýja reglugerð
sem innleidd var í lög þann 1. júní 2023, flokkunarreglugerðin, þar sem metið er hversu stórt hlutfall tekna, rekstrar-
og fjárfestingargjalda eru umhverfislega sjálfbær skv. reglugerðinni.
Yfirlýsing stjórnar og forstjóra
Samstæðuársreikningur Heima hf. er gerður í samræmi við alþjóðlega reikningsskila staðla eins og þeir hafa verið
samþykktir af Evrópusambandinu, viðbótarkröfur í lögum um ársreikninga og lög um upplýsingaskyldu útgefenda
verðbréfa og flöggunarskyldu. Ársreikningur Heima hf. fyrir árið 2024 með skráarheitið 9676000V0KP4AUXNSZ66-
2024-12-31-is.zip hefur verið gerður í samræmi við ákvæði reglugerðar Evrópusambandsins nr. 2019/815, um
sameiginleg rafræn skýrslusnið (e. European Single Electronic Format).
Samkvæmt bestu vitneskju er það álit stjórnar og forstjóra að samstæðuársreikningurinn gefi glögga mynd af
rekstrarafkomu samstæðunnar á árinu 2024, eignum, skuldum og fjárhagsstöðu hennar 31. desember 2024 og
breytingu á handbæru fé á árinu 2024.
Jafnframt er það álit stjórnar og forstjóra að samstæðuársreikningurinn og skýrsla stjórnar og forstjóra geymi glöggt
yfirlit um þróun og árangur í rekstri samstæðunnar, stöðu hennar og lýsi helstu áhættuþáttum og óvissu sem
samstæðan býr við.
Stjórn og forstjóri Heima hf. hafa í dag rætt um samstæðuársreikning félagsins fyrir árið 2024 og staðfest hann með
undirritun sinni. Stjórn og forstjóri leggja til við aðalfund að samþykkja ársreikninginn.
Kópavogi, 13. febrúar 2025.
Í stjórn félagsins:
Tómas Kristjánsson, stjórnarformaður
Benedikt Olgeirsson Bryndís Hrafnkelsdóttir
Heiðrún Jónsdóttir Guðrún Tinna Ólafsdóttir
Forstjóri:
Halldór Benjamín Þorbergsson
Samstæðureikningur Heima hf. 2024 6
Áritun óháðs endurskoðanda
Til hluthafa og stjórnar Heima hf.
Álit
Við höfum endurskoðað meðfylgjandi samstæðuársreikning Heima hf. fyrir árið 2024. Samstæðuársreikningurinn
hefur að geyma rekstrarreikning og yfirlit um heildarafkomu, efnahagsreikning, eiginfjáryfirlit, sjóðstreymisyfirlit,
upplýsingar um mikilvægar reikningsskilaaðferðir og aðrar skýringar.
Það er álit okkar að samstæðuársreikningurinn gefi glögga mynd af afkomu samstæðunnar á árinu 2024, efnahag
hennar 31. desember 2024 og breytingu á handbæru fé á árinu 2024, í samræmi við alþjóðlega reikningsskilastaðla
eins og þeir hafa verið samþykktir af Evrópusambandinu og viðbótarkröfur í lögum um ársreikninga.
Álit okkar er í samræmi við þær upplýsingar sem koma fram í endurskoðunarskýrslu okkar til endurskoðunarnefndar
í samræmi við 11. gr. reglugerðar Evrópuþingsins og ráðsins nr. 537/2014.
Grundvöllur fyrir áliti
Endurskoðað var í samræmi við alþjóðlega endurskoðunarstaðla. Ábyrgð okkar samkvæmt þeim stöðlum er nánar
lýst í kaflanum um ábyrgð endurskoðanda hér að neðan. Við erum óháð Heimum hf. í samræmi við alþjóðlegar
siðareglur fyrir endurskoðendur sem og aðrar siðareglur sem eru viðeigandi við endurskoðun á Íslandi, og höfum
við uppfyllt ákvæði þeirra reglna.
Samkvæmt okkar bestu vissu, höfum við ekki veitt Heimum hf., eða þar sem við á, móðurfélagi þess eða
dótturfélögum innan Evrópusambandsins, óheimilaða þjónustu sem um getur í 1. mgr. 5. gr reglugerðar
Evrópuþingsins og ráðsins nr. 537/2014.
Við teljum að við endurskoðunina höfum við aflað nægilegra og viðeigandi gagna til að byggja álit okkar á.
Megináherslur við endurskoðunina
Megináherslur við endurskoðunina eru þau atriði, sem að okkar faglega mati, hafa mesta þýðingu fyrir endurskoðun
okkar á samstæðuársreikningi félagsins árið 2024. Þessi atriði voru yfirfarin við endurskoðun á
samstæðuársreikningnum og höfð til hliðsjónar við ákvörðun á viðeigandi áliti á honum. Í áritun okkar látum við
ekki í ljós sérstakt álit á hverju þeirra fyrir sig.
Megináhersla við endurskoðun
Virðismat fjárfestingareigna
Fjárfestingareignir samstæðunnar eru metnar á gangvirði á reikningsskiladegi, 31. desember 2024 í samræmi við
alþjóðlega reikningsskilastaðalinn IAS 40 Fjárfestingareignir og IFRS 13 Mat á gangvirði.
Fjárfestingareignir námu alls 191.427 m.kr. eða 94,4% af heildareignum samstæðunnar þann 31. desember 2024.
Matsbreyting ársins færð í rekstrarreikning var jákvæð um 8.152 m.kr.
Virðismat fjárfestingareigna er háð mati og túlkun stjórnenda. Virðismat fjárfestingareigna fellur undir þriðja þrep í
flokkunarkerfi gangvirðismats og er matið byggt á núvirtu sjóðstreymi einstakra eigna.
Ákvörðun um mat á fjárhæð fjárfestingareigna byggir á forsendum sem margar hverjar eru háðar mati stjórnenda
eins og ávöxtunarkrafa, áætlaðar framtíðar leigutekjur og áætluð framtíðar gjöld.
Vegna þess hve matskenndur liðurinn er, vegna stærðar og einnig vegna þess hve fjárfestingareignir eru stór hluti
af efnahagsreikningi samstæðunnar, teljum við mat á fjárfestingareignum vera lykilatriði við endurskoðun okkar.
Nánar er gerð grein fyrir reikningsskilaaðferðinni og helstu forsendum virðismatsins í skýringu nr. 10.
Áritun óháðs endurskoðanda, frh.:
Samstæðureikningur Heima hf. 2024 7
Hvernig við endurskoðuðum megináherslur
Lögð var áhersla á eftirfarandi aðgerðir til að bregðast við þessu lykilatriði:
Mat á virðismatslíkaninu og aðferðafræði samstæðunnar. Lögð var áhersla á yfirferð eftirfarandi forsendna sem
stjórnendur gefa sér við mat á fjárfestingareignum, en þær eru:
• ávöxtunarkrafa
• áætlaðar framtíðar leigutekjur
• áætluð framtíðar gjöld
Við sannreyndum virkni virðismatslíkansins með því að reikna gangvirði valins úrtaks með okkar eigin
verðmatslíkani.
Ávöxtunarkrafa sem notuð var við núvirðingu sjóðstreymis var borin saman við þróun vaxta á mörkuðum og
eiginfjárálag.
Framkvæmd var töluleg greining á áætluðum tekjum niður á tekjuskapandi fjárfestingareignir.
Fyrir valið úrtak eigna í virðismati, voru áætlaðar tekjur raktar í undirliggjandi samninga.
Framkvæmd var töluleg greining á áætluðum gjöldum niður á tekjuskapandi fjárfestingareignir og þau borin saman
við söguleg gjöld samstæðunnar.
Við endurskoðun á virðismati fjárfestingareigna nutum við aðstoðar verðmatssérfræðinga Deloitte á Íslandi.
Viðeigandi skýringar í samstæðuársreikningnum voru rýndar með tilliti til þess hvort allar mikilvægar upplýsingar
sem krafist er samkvæmt reikningsskilareglum væru til staðar, sjá skýringu 10.
Aðrar upplýsingar
Í þessu skjali eru aðrar upplýsingar en samstæðuársreikningurinn og áritun okkar á hann. Aðrar upplýsingar eru:
Skýrsla og yfirlýsing stjórnar og forstjóra, óendurskoðað ársfjórðungayfirlit, óendurskoðuð stjórnarháttayfirlýsing,
óendurskoðaðar ófjárhagslegar upplýsingar og óendurskoðaðar skilgreiningar vegna ESEF skýrsluskila. Stjórn og
forstjóri bera ábyrgð á öðrum upplýsingum.
Álit okkar á samstæðuársreikningnum nær ekki til þessara annarra upplýsinga og við látum ekki í ljós álit af nokkru
tagi á þeim ef frá er talin staðfesting er varðar skýrslu og yfirlýsingu stjórnar og forstjóra sem kemur fram hér á eftir.
Í tengslum við endurskoðun okkar á samstæðuársreikningnum ber okkur að lesa yfir þessar upplýsingar og íhuga
hvort þessar aðrar upplýsingar stangast verulega á við samstæðuársreikninginn eða aðra vitneskju sem við höfum
aflað við endurskoðunina eða virðist á einhvern annan hátt vera verulega rangfærðar. Ef við, á grundvelli þeirrar
vinnu sem við höfum framkvæmt í tengslum við þessar upplýsingar, komumst að þeirri niðurstöðu að það séu
verulegar rangfærslur í þessum öðrum upplýsingum, ber okkur að upplýsa um það. Við höfum ekkert að upplýsa í
þessu sambandi.
Í samræmi við ákvæði 2. mgr. 104 gr. laga nr. 3/2006 um ársreikninga staðfestum við samkvæmt okkar bestu
vitund að í skýrslu stjórnar sem fylgir samstæðuársreikningi þessum eru veittar þær upplýsingar sem þar ber að
veita í samræmi við lög um ársreikninga og koma ekki fram í skýringum.
Ábyrgð stjórnar og forstjóra á samstæðuársreikningnum
Stjórn og forstjóri eru ábyrg fyrir gerð og framsetningu samstæðuársreikningsins í samræmi við alþjóðlega
reikningsskilastaðla eins og þeir hafa verið samþykktir af Evrópusambandinu og viðbótarkröfur í lögum um
ársreikninga. Stjórn og forstjóri eru einnig ábyrg fyrir því innra eftirliti sem nauðsynlegt er varðandi gerð og
framsetningu samstæðuársreikningsins, þannig að hann sé án verulegra annmarka, hvort sem er vegna sviksemi
eða mistaka.
Við gerð samstæðuársreikningsins eru stjórn og forstjóri ábyrg fyrir því að meta rekstrarhæfi Heima hf. Ef við á,
skulu stjórn og forstjóri setja fram viðeigandi skýringar um rekstrarhæfi og hvers vegna þau ákváðu að beita
forsendunni um rekstrarhæfi við gerð og framsetningu samstæðuársreikningsins, nema stjórn og forstjóri hafi
ákveðið að leysa félagið upp eða hætta starfsemi, eða hafi enga aðra raunhæfa möguleika en að gera það.
Stjórn og endurskoðunarnefnd skulu hafa eftirlit með gerð og framsetningu ársreikningsins.
Áritun óháðs endurskoðanda, frh.:
Samstæðureikningur Heima hf. 2024 8
Ábyrgð endurskoðenda á endurskoðun samstæðuársreikningsins
Markmið okkar er að afla nægjanlegrar vissu um að samstæðuársreikningurinn sé án verulegra annmarka, hvort
sem er af völdum sviksemi eða mistaka og að gefa út áritun sem felur í sér álit okkar.
Nægjanlega vissa er þó ekki trygging þess að endurskoðun framkvæmd í samræmi við alþjóðlega
endurskoðunarstaðla muni uppgötva allar verulegar skekkjur séu þær til staðar. Skekkjur geta orðið vegna mistaka
eða sviksemi og eru álitnar verulegar ef þær gætu haft áhrif á fjárhagslega ákvarðanatöku notenda
samstæðuársreikningsins, einar og sér eða samanlagðar.
Endurskoðun okkar í samræmi við alþjóðlega endurskoðunarstaðla byggir á faglegri dómgreind og beitum við
gagnrýnni hugsun við endurskoðunina. Við framkvæmum einnig eftirfarandi:
Greinum og metum hættuna á verulegri skekkju í samstæðuársreikningnum, hvort sem er vegna mistaka eða
sviksemi, hönnum og framkvæmum endurskoðunaraðgerðir til að bregðast við þeim hættum og öflum
endurskoðunargagna sem eru nægjanleg og viðeigandi til að byggja álit okkar á. Hættan á að uppgötva ekki
verulega skekkju vegna sviksemi er meiri en að uppgötva ekki skekkju vegna mistaka, þar sem sviksemi getur falið
í sér samsæri, skjalafals, misvísandi framsetningu samstæðuársreiknings, að einhverju sé viljandi sleppt eða að
farið sé framhjá innri eftirlitsaðgerðum.
Öflum skilnings á innra eftirliti, sem snertir endurskoðunina, í þeim tilgangi að hanna viðeigandi
endurskoðunaraðgerðir, en ekki í þeim tilgangi að veita álit á virkni innra eftirlits félagsins.
Metum hvort reikningsskilaaðferðir sem notaðar eru, og tengdar skýringar, séu viðeigandi og hvort
reikningshaldslegt mat stjórnenda sé raunhæft.
Ályktum um notkun stjórnenda á forsendunni um rekstrarhæfi og metum á grundvelli endurskoðunarinnar hvort
verulegur vafi leiki á rekstrarhæfi eða hvort aðstæður séu til staðar sem gætu valdið verulegum efasemdum um
rekstrarhæfi. Ef við teljum að verulegur vafi leiki á rekstrarhæfi ber okkur að vekja sérstaka athygli á viðeigandi
skýringum samstæðuársreikningsins í áritun okkar. Ef slíkar skýringar eru ófullnægjandi þurfum við að víkja frá
fyrirvaralausri áritun. Niðurstaða okkar byggir á endurskoðunargögnum sem aflað er fram að dagsetningu áritunar
okkar. Engu að síður geta atburðir eða aðstæður í framtíðinni valdið óvissu um rekstrarhæfi félagsins.
Metum í heild sinni hvort samstæðuársreikningurinn gefi glögga mynd af undirliggjandi viðskiptum og atburðum,
metum framsetningu, uppbyggingu, innihald og þar með talið skýringar við samstæðuársreikninginn með tilliti til
glöggrar myndar.
Öflum fullnægjandi endurskoðunargagna vegna fjárhagsupplýsinga eininga innan samstæðunnar, til að geta látið
í ljós álit á samstæðuársreikningi. Við erum ábyrg fyrir skipulagi, umsjón og framgangi endurskoðunar
samstæðunnar. Við berum ein ábyrgð á áliti okkar.
Okkur ber skylda til að upplýsa stjórn og endurskoðunarnefnd meðal annars um áætlað umfang og tímasetningu
endurskoðunarinnar og veruleg atriði sem komu upp í endurskoðun okkar, þar á meðal verulega annmarka á innra
eftirlit sem komu fram í endurskoðuninni, ef við á.
Við höfum einnig lýst því yfir við stjórn og endurskoðunarnefnd að við höfum uppfyllt skyldur siðareglna um óhæði
og höfum miðlað til þeirra upplýsingum um tengsl eða önnur atriði sem gætu mögulega haft áhrif á óhæði okkar og
þar sem viðeigandi er, hvaða varnir við höfum sett til að tryggja óhæði okkar.
Jafnframt því að sinna skyldum okkar sem kjörnir endurskoðendur félagsins hefur Deloitte veitt félaginu ýmsa aðra
heimilaða þjónustu svo sem aðra staðfestingarvinnu og sjálfbærniráðgjöf. Deloitte hefur til staðar innri ferla til að
tryggja óhæði sitt áður en við tökum að okkur önnur verkefni. Deloitte hefur staðfest skriflega við
endurskoðunarnefndina að við erum óháð Heimum hf.
Af þeim atriðum sem við höfum upplýst stjórn og endurskoðunarnefnd um, lögðum við mat á hvaða atriði höfðu
mesta þýðingu í endurskoðuninni á yfirstandandi ári og eru það megináherslur í endurskoðuninni. Við lýsum
þessum atriðum í áritun okkar nema lög og reglur leyfi ekki að upplýst sé um slík atriði eða í undantekningartilfellum
þegar endurskoðandinn metur að ekki skuli upplýsa um viðkomandi atriði þar sem neikvæðar afleiðingar
upplýsinganna eru taldar vega þyngra en almannahagsmunir.
Áritun óháðs endurskoðanda, frh.:
Samstæðureikningur Heima hf. 2024 9
Önnur atriði samkvæmt ákvæðum laga og reglna
Áritun vegna rafræns skýrslusniðs (e. European Single Electronic Format - ESEF reglur)
Í tengslum við endurskoðun okkar á samstæðuársreikningi Heima hf. framkvæmdum við aðgerðir til að geta gefið
álit á það hvort samstæðuársreikningur Heima hf. fyrir árið 2024 með skráarheitið 9676000V0KP4AUXNSZ66-
2024-12-31-is.zip hafi í meginatriðum verið gerður í samræmi við kröfur laga um upplýsingaskyldu útgefenda
verðbréfa og flöggunarskyldu nr. 20/2021 um sameiginleg rafræn skýrslusnið (e. European Single Electronic
Format) og reglugerð Evrópusambandsins nr. 2019/815 (ESEF reglur) sem innihalda skilyrði sem tengjast gerð
samstæðuársreiknings á XHTML formi og iXBRL merkingum samstæðuársreikningsins.
Stjórn og forstjóri eru ábyrg fyrir gerð og framsetningu ársreikningsins í samræmi við lög um upplýsingaskyldu
útgefenda verðbréfa og flöggunarskyldu. Í þeirri ábyrgð felst meðal annars að útbúa ársreikning á XHTML formi í
samræmi við ákvæði reglugerðar Evrópusambandsins nr. 2019/815, um sameiginleg rafræn skýrslusnið (e.
European Single Electronic Format).
Ábyrgð okkar er að afla hæfilegrar vissu um hvort ársreikningurinn, byggt á þeim gögnum sem við höfum aflað, sé
í öllum meginatriðum í samræmi við ESEF reglur og gefa út áritun með áliti okkar. Eðli, tímasetning og umfang
aðgerða sem valdar eru byggja á mati endurskoðandans, þar á meðal mati á áhættunni að vikið sé í verulegum
atriðum frá kröfum sem fram koma í ESEF reglum, hvort sem er vegna sviksemi eða mistaka.
Það er álit okkar að ársreikningur Heima hf. fyrir árið 2024 með skráarheitið 9676000V0KP4AUXNSZ66-2024-12-
31-is.zip hafi í öllum meginatriðum verið gerður í samræmi við ákvæði reglugerðar Evrópusambandsins nr.
2019/815, um sameiginleg rafræn skýrslusnið (e. European Single Electronic Format).
Kosning endurskoðanda
Deloitte var kjörið endurskoðandi Heima hf. á aðalfundi félagsins þann 12. mars 2024. Deloitte hefur verið
endurskoðandi Heima hf. síðan á hluthafafundi félagsins þann 2. febrúar 2024.
Kópavogur, 13. febrúar 2025.
Deloitte ehf.
Ingvi Björn Bergmann
endurskoðandi
Ársreikningur Heima hf. fyrir árið 2024 er rafrænt undirritaður af endurskoðenda
Samstæðureikningur Heima hf. 2024 10 Fjárhæðir í milljónum króna
Rekstrarreikningur og yfirlit um heildarafkomu ársins 2024
Skýring
2024
2023
Leigutekjur
Tekjur vegna rekstrar í fasteignum
Rekstrartekjur
4
Rekstrarkostnaður fjárfestingareigna
( 2.744 )
( 2.613 )
Rekstur í fasteignum
( 1.153 )
( 1.032 )
Stjórnunarkostnaður
( 886 )
( 723 )
Rekstrarkostnaður
5
( 4.783 )
( 4.369 )
Rekstrarhagnaður fyrir matsbreytingu
Matsbreyting fjárfestingareigna
10
Söluhagnaður (-tap) fjárfestingareigna
10
( 85 )
Afskrift eigna til eigin nota
11
( 57 )
( 35 )
Rekstrarhagnaður
Fjármunatekjur og (fjármagnsgjöld):
Fjármunatekjur
Fjármagnsgjöld
( 9.624 )
( 11.816 )
Hrein fjármagnsgjöld
8
( 9.344 )
( 11.566 )
Hlutdeild í afkomu hlutdeildarfélaga
9
Hagnaður fyrir tekjuskatt
Tekjuskattur
18
( 1.751 )
( 1.004 )
Hagnaður og heildarafkoma ársins
Hagnaður á hlut
15
Þynntur hagnaður á hlut
15
Skýringar á bls. 14-34 eru óaðskiljanlegur hluti ársreikningsins.
Samstæðureikningur Heima hf. 2024 11 Fjárhæðir í milljónum króna
Efnahagsreikningur 31.desember 2024
Skýring
2024
2023
Eignir
Fjárfestingareignir
10
Eignir til eigin nota
11
Leigudreifing
4
Skuldabréfaeign og langtímakröfur
Eignarhlutir í hlutdeildarfélögum
9
Fastafjármunir
Viðskiptakröfur og aðrar skammtímakröfur
12
Handbært fé
13
Veltufjármunir
Eignir samtals
Hlutafé
Varasjóður
Bundinn hlutdeildarreikningur
Óráðstafað eigið fé
Eigið fé
14
Vaxtaberandi skuldir
16
Leiguskuld
17
Tekjuskattskuldbinding
18
Langtímaskuldir
Vaxtaberandi skuldir
16
Næsta árs afborgun leiguskuldar
17
Viðskiptaskuldir og aðrar skammtímaskuldir
19
Skammtímaskuldir
Skuldir samtals
Eigið fé og skuldir samtals
Skýringar á bls. 14-34 eru óaðskiljanlegur hluti ársreikningsins.
Samstæðureikningur Heima hf. 2024 12 Fjárhæðir í milljónum króna
Eiginfjáryfirlit árið 2024
Bundinn
Óráð-
Vara-
hlutdeildar-
stafað
Hlutafé
sjóðir*
reikningur
eigið fé
Samtals
Árið 2023
Eigið fé 1.1.2023
Hagnaður og heildarafkoma ársins
Fært á bundinn hlutdeildarreikning
( 7.573 )
Arðgreiðsla móttekin frá dótturfélögum
( 4.000 )
Eigið fé 31.12.2023
Árið 2024
Eigið fé 1.1.2024
Hagnaður og heildarafkoma ársins
Fært á bundinn hlutdeildarreikning
(11.060 )
Kaup á eigin bréfum
( 46 )
( 1.454 )
( 1.499 )
Arðgreiðsla móttekin frá dótturfélögum
( 10.000 )
Kaupréttarsamningar
Eigið fé 31.12.2024
*Sundurliðun varasjóða má finna í skýringu 14.
Skýringar á bls. 14-34 eru óaðskiljanlegur hluti ársreikningsins.
Samstæðureikningur Heima hf. 2024 13 Fjárhæðir í milljónum króna
Sjóðstreymisyfirlit ársins 2024
Skýring
2024
2023
Rekstrarhreyfingar
Hagnaður og heildarafkoma ársins
Rekstrarliðir sem hafa ekki áhrif á fjárstreymi:
Matsbreyting fjárfestingareigna
10
( 8.152 )
( 6.518 )
(Söluhagnaður) -tap fjárfestingareigna
10
( 289 )
Afskriftir eigna til eigin nota
11
Hrein fjármagnsgjöld
8
Afkoma hlutdeildarfélaga
9
( 889 )
( 581 )
Tekjuskattur
18
Breyting á rekstrartengdum eignum
( 299 )
Breyting á rekstrartengdum skuldum
Innheimtar vaxtatekjur
Greidd vaxtagjöld
( 4.658 )
( 3.967 )
Greiddir vextir af leiguskuld
17
( 167 )
( 168 )
Greiddur lántökukostnaður og uppgreiðslugjald
( 44 )
( 41 )
Handbært fé frá rekstri
Fjárfestingarhreyfingar
Fjárfesting í fjárfestingareignum
8,10
( 3.505 )
( 4.378 )
Söluverð fjárfestingareigna
10
Móttekinn arður frá hlutdeildarfélagi
9
Fjárfesting í eignum til eigin nota (nettó breyting)
11
( 103 )
( 83 )
Aðrar skammtímakröfur, breyting
Fjárfestingarhreyfingar
( 6 )
( 3.046 )
Fjármögnunarhreyfingar
Kaup á eigin bréfum
14
( 1.499 )
Tekin ný lán
16
Afborganir og uppgreiðslur vaxtaberandi langtímaskulda
16
( 5.695 )
( 7.983 )
Afborganir leiguskulda
17
( 195 )
( 180 )
Fjármögnunarhreyfingar
( 5.301 )
( 607 )
Breyting á handbæru fé
Handbært fé í ársbyrjun
Handbært fé í árslok
13
Fjárfestingar- og fjármögnunarhreyfingar án greiðsluáhrifa
Fjárfesting í hlutdeildarfélögum
0
( 890)
Aðrar langtímaskuldir
0
890
Skýringar á bls. 14-34 eru óaðskiljanlegur hluti ársreikningsins.
Samstæðureikningur Heima hf. 2024 14 Fjárhæðir í milljónum króna
Skýringar
Samstæðureikningur Heima hf. 2024 15 Fjárhæðir í milljónum króna
Skýringar
Samstæðureikningur Heima hf. 2024 16 Fjárhæðir í milljónum króna
6. Laun og launatengd gjöld
Skýringar
Samstæðureikningur Heima hf. 2024 17 Fjárhæðir í milljónum króna
Skýringar
Samstæðureikningur Heima hf. 2024 18 Fjárhæðir í milljónum króna
Skýringar
Samstæðureikningur Heima hf. 2024 19 Fjárhæðir í milljónum króna
Skýringar
Samstæðureikningur Heima hf. 2024 20 Fjárhæðir í milljónum króna
14. Eigið fé
Hlutafé
Skýringar
Samstæðureikningur Heima hf. 2024 21 Fjárhæðir í milljónum króna
Arður
Kaupréttir
Skýringar
Samstæðureikningur Heima hf. 2024 22 Fjárhæðir í milljónum króna
Skýringar
Samstæðureikningur Heima hf. 2024 23 Fjárhæðir í milljónum króna
Skýringar
Samstæðureikningur Heima hf. 2024 24 Fjárhæðir í milljónum króna
Skýringar
Samstæðureikningur Heima hf. 2024 25 Fjárhæðir í milljónum króna
Skýringar
Samstæðureikningur Heima hf. 2024 26 Fjárhæðir í milljónum króna
Skýringar
Samstæðureikningur Heima hf. 2024 27 Fjárhæðir í milljónum króna
Skýringar
Samstæðureikningur Heima hf. 2024 28 Fjárhæðir í milljónum króna
Skýringar
Samstæðureikningur Heima hf. 2024 29 Fjárhæðir í milljónum króna
Skýringar
Samstæðureikningur Heima hf. 2024 30 Fjárhæðir í milljónum króna
2
Skýringar
Samstæðureikningur Heima hf. 2024 31 Fjárhæðir í milljónum króna
Skýringar
Samstæðureikningur Heima hf. 2024 32 Fjárhæðir í milljónum króna
Skýringar
Samstæðureikningur Heima hf. 2024 33 Fjárhæðir í milljónum króna
Skýringar
Samstæðureikningur Heima hf. 2024 34 Fjárhæðir í milljónum króna
Samstæðureikningur Heima hf. 2024 35 Fjárhæðir í milljónum króna
Ársfjórðungayfirlit (óendurskoðað)
Árið 2024
1. árs-
2. árs-
3. árs-
4. árs-
fjórðungur
fjórðungur
fjórðungur
fjórðungur
Samtals
Leigutekjur
3.341
3.490
3.504
3.716
14.051
Tekjur vegna rekstrar í fasteignum
191
202
194
199
786
Rekstrartekjur
3.532
3.692
3.698
3.915
14.837
Rekstrarkostnaður fjárfestingareigna
( 681)
( 673)
( 707)
( 683)
( 2.744)
Rekstur í fasteignum
( 280)
( 258)
( 244)
( 371)
( 1.153)
Stjórnunarkostnaður
( 197)
( 264)
( 179)
( 245)
( 886)
Rekstrarkostnaður
( 1.158)
( 1.195)
( 1.131)
( 1.300)
( 4.783)
Rekstrarhagnaður fyrir matsbreytingu
2.374
2.497
2.568
2.615
10.054
Matsbreyting fjárfestingareigna
5.171
1.058
1.401
522
8.152
Söluhagnaður fjárfestingareigna
0
0
0
289
289
Afskrift eigna til eigin nota
( 11)
( 15)
( 15)
( 16)
( 57)
Rekstrarhagnaður
7.534
3.540
3.953
3.411
18.438
Fjármunatekjur og (fjármagnsgjöld):
Fjármunatekjur
5
10
8
257
280
Fjármagnsgjöld
( 2.757)
( 3.163)
( 2.340)
( 1.364)
( 9.624)
Hrein fjármagnsgjöld
( 2.752)
( 3.153)
( 2.332)
( 1.107)
( 9.344)
Hlutdeild í afkomu hlutdeildarfélaga
( 8)
41
( 6)
863
889
Hagnaður fyrir tekjuskatt
4.773
428
1.615
3.167
9.983
Tekjuskattur
( 855)
( 86)
( 323)
( 487)
( 1.751)
Hagnaður og heildarafkoma ársins
3.919
342
1.292
2.680
8.233
Hagnaður á hlut
Hagnaður á hlut
2,17
0,19
0,71
1,51
4,57
Þynntur hagnaður á hlut
2,17
0,19
0,71
1,51
4,56
Árið 2023
1. árs-
2. árs-
3. árs-
4. árs-
fjórðungur
fjórðungur
fjórðungur
fjórðungur
Samtals
Leigutekjur
3.069
3.242
3.276
3.439
13.026
Tekjur vegna rekstrar í fasteignum
181
190
187
193
751
Rekstrartekjur
3.250
3.432
3.463
3.632
13.777
Rekstrarkostnaður fjárfestingareigna
( 629)
( 687)
( 640)
( 657)
( 2.613)
Rekstur í fasteignum
( 249)
( 270)
( 212)
( 300)
( 1.032)
Stjórnunarkostnaður
( 237)
( 160)
( 143)
( 183)
( 723)
Rekstrarkostnaður
( 1.115)
( 1.117)
( 995)
( 1.140)
( 4.369)
Rekstrarhagnaður fyrir matsbreytingu
2.135
2.315
2.468
2.492
9.408
Matsbreyting fjárfestingareigna
2.998
7.095
( 1.383)
( 2.193)
6.518
Söluhagnaður fjárfestingareigna
( 5)
0
( 17)
( 63)
( 85)
Afskrift eigna til eigin nota
( 7)
( 9)
( 9)
( 10)
( 35)
Rekstrarhagnaður
5.121
9.401
1.059
226
15.806
Fjármunatekjur og (fjármagnsgjöld):
Fjármunatekjur
4
5
5
236
250
Fjármagnsgjöld
( 3.680)
( 3.277)
( 2.352)
( 2.507)
( 11.816)
Hrein fjármagnsgjöld
( 3.676)
( 3.272)
( 2.347)
( 2.271)
( 11.566)
Hlutdeild í afkomu hlutdeildarfélaga
0
28
34
520
581
Hagnaður fyrir tekjuskatt
1.445
6.156
( 1.255)
( 1.525)
4.821
Tekjuskattur
( 289)
( 1.231)
251
265
( 1.004)
Hagnaður og heildarafkoma ársins
1.156
4.925
( 1.004)
( 1.260)
3.818
Hagnaður á hlut
Grunnhagnaður(tap) og þynntur
hagnaður(tap) á hlut
0,64
2,72
(0,55)
(0,70)
2,11
Samstæðureikningur Heima hf. 2024 36
Stjórnarháttayfirlýsing (óendurskoðað)
Stjórn og stjórnarhættir
Stjórnarhættir Heima hf. („Heimar” eða „félagið“) eru í samræmi við lög og reglur sem gilda um starfsemi félagsins,
s.s. ákvæði hlutafélagalaga nr. 2/1995, laga um ársreikninga nr. 3/2006, samkeppnislaga nr. 44/2005, laga um
upplýsingaskyldu útgefenda verðbréfa og flöggunarskyldu nr. 20/2021, laga um aðgerðir gegn markaðssvikum nr.
60/2021 og laga um aðgerðir gegn peningaþvætti og fjármögnun hryðjuverka nr. 140/2018 sem aðgengileg eru á
vef Alþingis, www.althingi.is. Stjórnarhættir félagsins taka jafnframt mið af Leiðbeiningum um stjórnarhætti
fyrirtækja sem gefnar eru út af Viðskiptaráði Íslands, Nasdaq Iceland hf. og Samtökum atvinnulífsins, 6. útgáfu
2021, sem aðgengilegar eru á www.vi.is og www.leidbeiningar.is, auk hinna ýmsu reglna og stefna er varða félagið
sjálft og má finna á heimasíðu félagsins www.heimar.is. Félagið er með skráð hlutabréf í Kauphöll Íslands (Nasdaq
Iceland hf.) og ber því að fylgja Leiðbeiningum um stjórnarhætti. Félagið hlaut viðurkenningu sem
Fyrirmyndafyrirtæki í stjórnarháttum í ágúst 2024.
Stjórn
Í stjórn Heima hf. sitja fimm stjórnarmenn, sem eru kjörnir árlega á aðalfundi félagsins. Félagið hefur starfandi
tilnefningarnefnd sem hefur það meginhlutverk að tilnefna einstaklinga til stjórnarsetu í félaginu. Nefndarmenn voru
síðast kjörnir af aðalfundi 12. mars 2024 og skal skipunartími þeirra vera tvö ár. Starfsreglur tilnefningarnefndar
voru samþykktar á hluthafafundi 13. september 2018. Í samræmi við samþykktir félagsins skal stjórnarkjör jafnan
vera skriflegt, ef tillögur koma fram um fleiri menn en kjósa skal um. Ef hluthafar félagsins eru 200 eða fleiri og
hluthafar sem ráða yfir minnst 1/10 hlutafjárins krefjast þess, skal beita hlutfalls- eða margfeldiskosningu við kjör
stjórnarmanna. Séu hluthafar færri en 200 þurfa hluthafar sem ráða yfir 1/5 hluta hlutafjárins að standa að kröfunni.
Komi fram krafa frá fleiri en einum hluthafahópi og krafist er bæði hlutfalls- og margfeldiskosninga skal þá beitt
margfeldiskosningu. Krafa þar um skal hafa borist stjórn félagsins minnst fimm dögum fyrir hluthafafund. Samskipti
stjórnar við hluthafa skulu einkennast af hreinskilni, skýrleika og vera samræmd. Beini hluthafar fyrirspurnum til
stjórnar félagsins skal stjórn vera tilkynnt um þær og hafa yfirumsjón með viðbrögðum félagsins við þeim.
Upplýsingagjöf til hluthafa fer einkum fram á hluthafafundum og er ávallt gætt jafnræðis allra hluthafa. Núgildandi
samþykktir félagsins voru samþykktar á hluthafafundi þann 30. ágúst 2024.
Stjórn félagsins í árslok 2024 var skipuð eftirfarandi einstaklingum; Tómas Kristjánsson, formaður stjórnar, hefur
setið í stjórn frá apríl 2014. Bryndís Hrafnkelsdóttir, varaformaður stjórnar, hefur setið í stjórn frá apríl 2014.
Benedikt Olgeirsson hefur setið í stjórn frá mars 2022. Guðrún Tinna Ólafsdóttir hefur setið í stjórn frá mars 2018.
Heiðrún Emilía Jónsdóttir hefur setið í stjórn frá mars 2019. Bakgrunnur, menntun og aldur stjórnarmanna er
fjölbreyttur og margvíslegur og hafa stjórnarmenn víðtæka reynslu úr atvinnulífinu á sviði fjárfestinga,
fasteignaviðskipta, rekstrar og stjórnunar.
Tómas Kristjánsson, stjórnarformaður, er fæddur árið 1965 og er með MBA gráðu frá háskólanum í Edinborg og
Cand. Oecon í viðskiptafræði frá Háskóla Íslands ásamt því að hafa próf í verðbréfaviðskiptum. Tómas starfar sem
eigandi Siglu ehf. Tómas á 100% hlut í Siglu ehf. sem á 65.000.000 hluti í Heimum hf. eða 3,59%. Auk þess að
sitja í stjórn Heima er Tómas stjórnarformaður Smárabyggðar ehf., KLS eignarhaldsfélags ehf. og meðstjórnandi í
Siglu ehf., Klasa ehf., Húsafelli Resort ehf., og Adelfa ehf. Tómas hefur engin hagsmunatengsl við stærstu
viðskiptavini félagsins, keppinauta þess eða hluthafa sem eiga meira en 10% í félaginu en telst háður stjórnarmaður
þar sem hann er annar aðaleigandi KLS eignarhaldsfélags ehf. og situr í stjórn Klasa ehf., sem er samstarfsaðili
Heima og Haga hf. vegna reksturs fasteignaþróunarfélags Klasa ehf.
Bryndís Hrafnkelsdóttir, varaformaður, er fædd árið 1964 og starfar sem forstjóri Happdrættis Háskóla Íslands.
Bryndís er með M.S. gráðu í viðskiptafræði frá Háskóla Íslands og Cand. Oecon í viðskiptafræði frá sama skóla.
Auk þess að sitja í stjórn Heima er Bryndís stjórnarformaður skólanefndar Verzlunarskóla Íslands, stjórnarformaður
Ofanleitis 1 ehf. og varamaður í stjórn TM trygginga hf. Bryndís á 18.509 hluti í Heimum hf. eða 0,0010%. Bryndís
hefur engin hagsmunatengsl við stærstu viðskiptavini félagsins, keppinauta þess eða hluthafa sem eiga meira en
10% í félaginu. Bryndís er óháð félaginu, daglegum stjórnendum þess og stórum hluthöfum í félaginu samkvæmt
skilgreiningu í Leiðbeiningum um góða stjórnarhætti.
Benedikt Olgeirsson er fæddur árið 1961 og er sjálfstætt starfandi við stjórnarsetur, ráðgjöf og fjárfestingar.
Benedikt er með M.Sc. í framkvæmdaverkfræði og verkefnastjórnun frá University of Washington í Seattle og B.Sc.
í byggingarverkfræði frá Háskóla Íslands. Auk þess að sitja í stjórn Heima er Benedikt stjórnarformaður Varðar
trygginga hf., Varðar líftrygginga hf., Iceland Soccer Travel ehf., SEUSA ehf., Rexby ehf., Bens Capital ehf.,
Immobilen ehf. og Íslenskir fjörfestar ehf. og meðstjórnandi í Klasa ehf. og Manex ehf. Benedikt er jafnframt
framkvæmdastjóri Magnavita ehf. og Manex ehf. Benedikt á 207.000 hluti í Heimum hf. eða 0,01%. Benedikt hefur
engin hagsmunatengsl við stærstu viðskiptavini félagsins, keppinauta þess eða hluthafa sem eiga meira en 10% í
félaginu en telst háður stjórnarmaður þar sem hann þiggur greiðslur frá Heimum vegna stjórnarsetu í Klasa ehf.
Stjórnarháttaryfirlýsing frh.
Samstæðureikningur Heima hf. 2024 37
Guðrún Tinna Ólafsdóttir er fædd árið 1975 og er með M.Sc. gráðu í fjármálum frá Háskóla Íslands og B.Sc. gráðu
í viðskiptafræði frá sama skóla. Guðrún Tinna starfar sem framkvæmdastjóri verslanasviðs Húsasmiðjunnar ehf.
Auk þess að sitja í stjórn Heima er Guðrún Tinna stjórnarformaður Svanna lánatryggingasjóðs kvenna og
meðstjórnandi í Brunni vaxtarsjóði slhf. Guðrún Tinna á 84.000 hluti í Heimum hf. eða 0,005%. Guðrún Tinna hefur
engin hagsmunatengsl við stærstu viðskiptavini félagsins, keppinauta þess eða hluthafa sem eiga meira en 10% í
félaginu. Guðrún Tinna er óháð félaginu, daglegum stjórnendum þess og stórum hluthöfum í félaginu samkvæmt
skilgreiningu í Leiðbeiningum um góða stjórnarhætti.
Heiðrún Emilía Jónsdóttir er fædd árið 1969, lögmaður og cand. jur. frá Háskóla Íslands. Heiðrún starfar sem
framkvæmdastjóri Samtaka fyrirtækja í fjármálaþjónustu. Hún er með löggildingu í verðbréfamiðlun og stundaði
AMP nám við IESE Business School Barcelona 2016-2017. Auk þess að sitja í stjórn Heima er hún eigandi og
stjórnarmaður hjá Múla lögmannsstofu, meðstjórnandi í Ungmennafélagi Stjörnunnar og Veiðifélagi
Skorradalsvatns auk þess að vera stjórnarformaður Úrskurðarnefndar um viðskipti við fjármálafyrirtæki og
vátryggingamál. Heiðrún er jafnframt í framkvæmdastjórn Insurance Europe og EBF European Band Federation.
Heiðrún á 327.500 hluti í Heimum hf. eða 0,02%. Heiðrún hefur engin hagsmunatengsl við stærstu viðskiptavini
félagsins, keppinauta þess eða hluthafa sem eiga meira en 10% í félaginu. Heiðrún er óháð félaginu, daglegum
stjórnendum þess og stórum hluthöfum í félaginu samkvæmt skilgreiningu í Leiðbeiningum um góða stjórnarhætti.
Enginn stjórnarmaður hefur verið starfsmaður félagsins. Einn stjórnarmaður hefur á tímabilinu unnið önnur störf
fyrir félagið að frátalinni stjórnarsetu, þ.e. setið í stjórn Klasa ehf. Í stjórn félagsins sitja tveir karlar og þrjár konur
og uppfyllir félagið því ákvæði hlutafélagalaga um kynjahlutföll í stjórnum hlutafélaga.
Nánari upplýsingar um stjórnarmenn má finna á heimasíðu félagsins, www.heimar.is
Stjórnarhættir
Stjórnin hefur sett sér ítarlegar starfsreglur þar sem valdsvið hennar er skilgreint. Í þessum reglum er meðal annars
að finna ákvæði um skiptingu starfa innan stjórnar, verksvið stjórnar, stjórnarformanns og forstjóra, verklag og
reglur um fundarsköp, upplýsingagjöf og fleira. Hver stjórnarmaður skal koma í veg fyrir að málefni þeirra, hvort
heldur persónuleg eða viðskiptaleg, leiði til beinna eða óbeinna hagsmunaárekstra milli þeirra og félagsins
samkvæmt ákvæðum starfsreglna stjórnar. Gildandi starfsreglur stjórnar voru staðfestar af stjórn þann 20. júní
2024 og eru aðgengilegar á vef félagsins.
Stjórnin fer, samkvæmt lögum og samþykktum félagsins, með æðsta vald í málefnum þess milli hluthafafunda. Hún
ákveður meðal annars starfskjör forstjóra og hittir endurskoðendur reglulega. Stjórn hefur skipað tvær undirnefndir
stjórnar, endurskoðunarnefnd og starfskjaranefnd. Stjórn kýs nefndarmenn undirnefnda eigi síðar en mánuði eftir
aðalfund og skipar formenn þeirra auk þess að setja undirnefndum starfsreglur þar sem nánar er kveðið á um
hlutverk þeirra og helstu verkefni. Gildandi starfsreglur undirnefnda voru staðfestar af stjórn þann 20. júní 2024 og
eru aðgengilegar á heimasíðu félagsins. Í samræmi við samþykktir félagsins eru niðurstöður undirnefnda stjórnar
einungis leiðbeinandi fyrir stjórn félagsins.
Í árslok 2024 sátu eftirfarandi aðilar í endurskoðunarnefnd: Anna Þórðardóttir, formaður, Benedikt Olgeirsson og
Heiðrún Emilía Jónsdóttir. Meginhlutverk og ábyrgð nefndarinnar er að hafa eftirlit með vinnuferlum við gerð
reikningsskila og endurskoðun ársreiknings, samstæðureikninga og annarra fjárhagsupplýsinga félagsins. Þá
leggur nefndin mat á óhæði endurskoðanda, hefur eftirlit með störfum hans og leggur fram tillögu til stjórnar um val
á endurskoðanda félagsins. Ytri endurskoðendur skiluðu inn staðfestingu á óhæði í október 2024. Auk þess hefur
endurskoðunarnefnd eftirlit með fyrirkomulagi áhættustýringar og öðrum eftirlitsaðgerðum og fylgir eftir úrbótum á
annmörkum sem fram koma á innra eftirliti. Gildandi starfsreglur endurskoðunarnefndar voru staðfestar af stjórn
þann 20. júní 2024 og eru aðgengilegar á heimasíðu félagsins. Nefndin fullnægir kröfum um óhæði samkvæmt
Leiðbeiningum um stjórnarhætti fyrirtækja.
Í árslok 2024 sátu eftirfarandi aðilar í starfskjaranefnd: Guðrún Tinna Ólafsdóttir, formaður, Bryndís Hrafnkelsdóttir
og Tómas Kristjánsson. Meginhlutverk nefndarinnar er að annast það hlutverk stjórnar að undirbúa og framkvæma
tillögur að starfskjarastefnu félagsins, tillögur til hluthafafundar um starfskjör stjórnarmanna og framkvæmd
samninga við forstjóra og aðra starfsmenn, heyri þeir undir stjórn, um laun og önnur starfskjör. Ákvörðunarvald
stjórnar í þessum efnum er ekki falið starfskjaranefnd. Starfsreglur starfskjaranefndar voru staðfestar af stjórn þann
20. júní 2024 og eru aðgengilegar á heimasíðu félagsins. Nefndin fullnægir kröfum um óhæði samkvæmt
Leiðbeiningum um stjórnarhætti fyrirtækja. Endurskoðunarnefnd og starfskjaranefnd skulu að lágmarki árlega gefa
stjórn skýrslu um verkefni sín, í samræmi við starfsreglurnar.
Forstjóri er ráðinn af stjórn og ber ábyrgð á daglegum rekstri félagsins í samræmi við stefnu og fyrirmæli stjórnar,
lög, samþykktir félagsins og starfsreglur stjórnar. Hann framfylgir stefnu félagsins sem mótuð hefur verið af stjórn
og setur starfseminni markmið. Halldór Benjamín Þorbergsson hefur verið forstjóri félagsins frá 2023. Halldór er
fæddur árið 1979 og er með MBA gráðu frá Oxford háskóla. Halldór á 3.000.000 hluti eða 0,17% í Heimum í
gegnum einkahlutafélagið Optio ehf. Halldór er stjórnarmaður í öllum dótturfélögum Heima hf., sem eru öll í fullri
eigu félagsins. Halldór er einnig stjórnarmaður í Stafnaseli slf., Háskólanum í Reykjavík, Optio ehf., Smárabyggð
Stjórnarháttaryfirlýsing frh.
Samstæðureikningur Heima hf. 2024 38
ehf., Klasa ehf. auk þess að vera stjórnarformaður í Almannaróm og Rannsóknarmiðstöðvar um samfélags- og
efnahagsmál. Halldór er óháður helstu viðskiptaaðilum, samkeppnisaðilum og stórum hluthöfum félagsins.
Starfslýsing forstjóra kemur fram í ráðningarsamningi hans. Nánari upplýsingar um forstjóra er að finna á heimasíðu
félagsins.
Aðrir sem eiga sæti í framkvæmdastjórn Heima hf. eru, Baldur M. Helgason, framkvæmdastjóri viðskipta, Dagbjört
E. Einarsdóttir, framkvæmdastjóri innri rekstrar og yfirlögfræðingur, Björn Eyþór Benediktsson, framkvæmdastjóri
fjármála og Páll V. Bjarnason, framkvæmdastjóri fjárfestinga.
Félagið hefur enga samninga gert við stjórnarmenn eða starfsmenn um greiðslur eða bætur vegna starfsloka.
Gerðir hafa verið hefðbundnir ráðningarsamningar við starfsmenn, með hefðbundnum uppsagnarfresti. Stjórn
félagsins hefur samþykkt hvatakerfi fyrir æðstu stjórnendur félagsins. Getur ávinningur lykilstjórnenda að mestu
orðið ígildi þriggja mánaða launa. Þann 30. ágúst 2024 samþykkti hluthafafundur félagsins kaupréttaráætlun fyrir
stjórnendur félagsins. Í byrjun september 2024 tilkynnti félagið um ákvörðun stjórnar um að veita forstjóra og
framkvæmdastjórum félagsins kauprétti fyrir allt að 16.000.000 hlutum í félaginu, sem samsvarar 0,88% af
heildarhlutafé félagsins eins og það var þegar kaupréttarkerfið var samþykkt. Einnig tók stjórn ákvörðun um að
veita nánar tilteknum stjórnendum félagsins kauprétti allt að 3.250.000 hlutum í félaginu, sem samsvarar 0,18% af
heildarhlutafé félagsins eins og það var þegar kaupréttarkerfið var samþykkt.
Félagið hefur ekki sett sér sérstaka stefnu um fjölbreytileika í tengslum við stjórn, framkvæmdastjórn og æðstu
stjórnendur en gildandi jafnréttisstefna félagsins lýsir áherslum félagsins í jafnréttismálum. Markmið stefnunnar er
m.a. að gæta ávallt fyllsta jafnræðis starfsmanna óháð kyni, aldri og kynþætti og stuðla að jöfnum tækifærum og
réttindum starfsfólks. Þá kemur fram í starfsreglum tilnefningarnefndar Heima, sem hefur það meginhlutverk að
tilnefna einstaklinga til stjórnarsetu í félaginu, að nefndin skuli hafa að leiðarljósi við mat á framboðum til stjórnar
að samsetning hennar beri með sér fjölbreytni og breidd í hæfni, reynslu og þekkingu. Í samþykktum félagsins
kemur einnig fram að tryggja skuli að kynjahlutfall stjórnar sé sem jafnast og að hlutfall hvors kyns sé ekki lægra
en 40%.
Stjórn félagsins ber ábyrgð á innra eftirliti félagsins og hefur hún og forstjóri komið á innra eftirliti og áhættustýringu
með starfsemi félagsins til að tryggja sem best skilvirkni í starfseminni, áreiðanlegar fjárhagslegar upplýsingar,
hlítni við lög og reglur og fyrirbyggja og greina hugsanleg mistök og sviksemi starfsmanna og viðskiptavina
félagsins. Í þessu felst m.a. að fyrirkomulag innra eftirlits sé formlegt, skjalfest og að virkni þess sé sannreynd með
reglubundnum hætti. Félagið hefur sett upp verkferla og reglur um aðgreiningu starfa til að tryggja skilvirkni og
eftirlit. Mánaðarleg uppgjör eru unnin og lögð fyrir stjórn félagsins. Endurskoðunarnefnd hefur eftirlit með því að
innra eftirlit og áhættustýring sé í samræmi við stefnu félagsins og að eftirlitsaðgerðir taki á áhættum í starfseminni.
Endurskoðunarnefnd hefur það hlutverk að fara yfir uppgjör m.a. hvort til staðar sé virkt innra eftirlit við gerð
reikningsskila. Áhættustýring er yfirfarin reglulega með tilliti til breytinga í helstu áhættuþáttum í starfsemi félagsins
og kannað hvort áhættur hafi verið skilgreindar sem tengjast reikningsskilaferlinu. Áhættustefna félagsins var
staðfest í stjórn félagsins þann 20. júní 2024.
Hjá félaginu er ekki starfandi innri endurskoðandi. Endurskoðendur eru kjörnir til eins árs í senn á aðalfundi. Deloitte
ehf. var kjörið endurskoðunarfélag félagsins á aðalfundi 12. mars 2024. Hvorki endurskoðendur félagsins né aðilar
þeim tengdir mega eiga hlutabréf í félaginu. Ársreikningur félagsins er endurskoðaður í samræmi við alþjóðlega
endurskoðunarstaðla. Endurskoðendur hafa óhindraðan aðgang að bókhaldi og öllum gögnum félagsins. Stjórn
fær árlega í hendur sérstaka endurskoðunarskýrslu frá endurskoðendum með helstu athugasemdum. Regluvörður,
skipaður af stjórn, hefur umsjón með að reglum um innherjaupplýsingar og viðskipti innherja sé fylgt. Regluvörður
félagsins er Esther Ýr Óskarsdóttir og staðgengill regluvarðar er Aldís Sif Bjarnhéðinsdóttir.
Stjórn félagsins og undirnefndir hafa framkvæmt formlegt árangursmat vegna starfa sinna á árinu 2024. Með
árangursmatinu leggur stjórn mat á störf sín og verklag, verkefni og árangur auk veikleika og styrkleika. Dregin eru
fram þau atriði sem stjórn telur að betur megi fara. Helstu matsþættir eru stjórnarfundir, verkefni stjórnar,
upplýsingagjöf, stefnumótun og framtíðarsýn, áhættustjórnun, störf stjórnarmanna, stjórnarformanns og forstjóra.
Stjórn leggur einnig mat á störf undirnefnda stjórnar, endurskoðunarnefndar og starfskjaranefndar, auk þess sem
nefndirnar sjálfar framkvæma árangursmat á sínum störfum. Stjórn gerir aðgerðaráætlun í kjölfar árangursmatsins
til að vinna úr þeim úrbótatækifærum sem fram komu með það að markmiði að auka árangur sinn, skilvirkni og
fagmennsku í störfum. Fram kom að stjórn taldi að allir stjórnarmenn hefðu tekið virkan þátt í stjórnarstörfum og að
umræður væru opnar og gagnrýnar. Stjórnarmenn voru taldir vinna störf sín af fagmennsku og heilindum og búa
yfir breiðri þekkingu og reynslu á þeim sviðum sem stjórnarstörf og rekstur félagsins tækju til. Einnig var samsetning
stjórnar talin góð. Hlutverk stjórnar er talið vel skilgreint og verkefni hennar skýr og er áhersla lögð á stefnumótun
og framtíðarsýn í störfum stjórnar.
Á árinu 2024 voru haldnir 32 stjórnarfundir og var hluti þeirra rafrænn. Sjö fundir voru haldnir í endurskoðunarnefnd
og sjö í starfskjaranefnd. Meirihluti stjórnarmanna og meirihluti nefndarmanna hafa mætt á alla fundi.
Endurskoðunarnefnd boðar ytri endurskoðendur félagsins á fundi reglulega, auk þess sem þeir mæta á
stjórnarfundi þegar ársreikningur og sex mánaða árshlutareikningur eru til umfjöllunar. Helstu samskipti stjórnar og
hluthafa eru á hluthafafundum félagsins, en einnig eiga sér stað samtöl og fundir milli hluthafafunda. Forstjóri er
Stjórnarháttaryfirlýsing frh.
Samstæðureikningur Heima hf. 2024 39
formlegur talsmaður félagsins en getur veitt öðrum starfsmönnum félagsins tímabundna heimild til að tjá sig um
afmarkaða þætti starfseminnar. Er það í samræmi við upplýsingastefnu félagsins sem var síðast staðfest af stjórn
þann 20. júní 2024.
Ekki hefur verið úrskurðað um nein brot félagsins á lögum og reglum af viðeigandi eftirlits- og/eða úrskurðaraðilum.
Á vefsíðu félagsins, www.heimar.is, er að finna sérstakt svæði tileinkað stjórnarháttum með öllum nánari
upplýsingum, undir flipanum Fjárfestar.
Samstæðureikningur Heima hf. 2024 40
Ófjárhagslegar upplýsingar (óendurskoðað)
Um Heima
Heimar hf. („Heimar” eða „félagið“) er íslenskt hlutafélag í dreifðu eignarhaldi og skráð í Kauphöll Íslands (Nasdaq
Iceland hf.). Heimar falla því undir skyldu til að skila ófjárhagslegum upplýsingum skv. 66. gr. d. í lögum um
ársreikninga nr. 3/2006.
Heimar líta á sig sem framsækið fasteignafélag sem er eftirsóknarverður samstarfsaðili og vinnuveitandi. Félagið
einsetur sér að vera leiðandi í mótun og rekstri fasteigna auk þess að stuðla að velferð samfélags, bættum
lífsgæðum og umhverfi fólks. Umhverfis- og loftslagsmál hafa fengið aukna athygli á síðustu árum sem hefur breytt
væntingum fjárfesta, leigutaka og annarra hagaðila. Hefur það haft áhrif á rekstur, starfsemi og viðskiptalíkan
Heima, en fasteignir hafa mikil áhrif á umhverfi og lífsgæði fólks. Tugir þúsunda dvelja í eignum Heima daglega,
hvort sem er við vinnu eða leik. Með skýrri stefnu í rekstri, skipulagi og nýbyggingum, ásamt samstarfi við leigutaka,
geta Heimar stuðlað að betra, öruggara og ánægjulegra daglegu lífi fyrir fólk.
Heimar hafa lagt áherslu á að hafa sjálfbærni að leiðarljósi í rekstri félagsins, en þar ber helst að nefna
umhverfisvottanir fasteigna, þróun snjallsorps, aukinn fjölda hjólageymsla og rafhleðslustæða við fasteignir
félagsins, græna leigusamninga, stafrænar lausnir, eins og t.d. rafrænar undirritanir samninga og rafræna útgáfu
reikninga, ásamt þjónustuvef.
Í tilskipun Evrópusambandsins um upplýsingagjöf um sjálfbærni („CSRD“) er gerð krafa um að fyrirtæki geri tvöfalda
mikilvægisgreiningu og var hún framkvæmd hjá Heimum árið 2023. Á árinu 2024 var unnið með niðurstöður þeirrar
greiningar í samræmi við evrópska staðla um sjálfbærni („ESRS“), með það að markmiði að draga fram þá þætti
sem félagið mun þurfa að gera grein fyrir samkvæmt staðlinum þegar hann tekur gildi hér á landi. Samhliða þeirri
vinnu var lögð áhersla á að undirbúa félagið fyrir breytta og aukna sjálfbærniupplýsingagjöf og mun sú vinna halda
áfram á árinu 2025 með hliðsjón af niðurstöðum tvöföldu mikilvægisgreiningarinnar. Fyrstu skref í átt að
sjálfbærniskýrslu sem uppfyllir kröfur ESRS verða tekin með útgáfu sjálfbærniskýrslu ársins 2024, þar sem fjallað
verður um valda þætti út frá kröfum ESRS.
Heimar fengu síðla árs 2024 staðfesta skuldbindingu sína til Science Based Targets initiative („SBTi“) og munu
innan tveggja ára birta markmið um minnkun kolefnisspors félagsins byggð á vísindalegri aðferðafræði SBTi. Sú
vinna styður við kröfur CSRD og áðurnefnda ESRS staðla.
Heimar hafa skilgreint aðgerðir sem byggja á sjálfbærnistefnu félagsins og tryggja að stefnunni og markmiðum
hennar sé framfylgt í rekstri félagsins. Félagið hefur einnig sett sér grænan fjárhagsramma innan fjárhagsáætlunar
félagsins til að hraða árangri við að koma sjálfbærnimarkmiðum félagsins í verk. Gerð er grein fyrir því til hvaða
aðgerða var gripið á rekstrarárinu 2024 í köflum um umhverfis- og félagslega sjálfbærni og stjórnarhætti. Nánar
verður fjallað um árangur ársins 2024 í sjálfbærniskýrslu félagsins sem gefin verður út í mars 2025 og gerð
aðgengileg á vefsíðu félagsins, www.heimar.is.
Sjálfbærnistefna
Sjálfbærnistefna Heima, staðfest af stjórn 20. júní 2024, er aðgengileg á heimasíðu félagsins. Í stefnunni er lögð
áhersla á að góðir og vandaðir stjórnhættir séu viðhafðir í starfsemi félagsins þannig tryggt sé að starf stjórnar og
starfsemi félagsins sé á hverjum tíma í samræmi við lög, reglugerðir og viðmið um góða stjórnarhætti.
Lögð er áhersla á sjálfbæra þróun sem miðar að því að fullnægja þörfum samtímans án þess að skerða möguleika
komandi kynslóða á að fullnægja sínum þörfum. Til að tryggja að sjálfbær þróun sé höfð að leiðarljósi í allri starfsemi
Heima leggur félagið áherslu á heildarsýn svo afleiðingar þeirra ákvarðana sem teknar eru séu fyrirsjáanlegar í
sem víðasta samhengi. Sjálfbær þróun er metin út frá umhverfislegri, félagslegri og efnahagslegri sjálfbærni.
Félagið hefur sett sér mælanleg markmið í þessum þremur flokkum sem var unnið að á árinu 2024. Markmiðin eru
endurskoðuð árlega með reynslu og árangur síðastliðins árs til hliðsjónar. Árangur í sjálfbærni er mældur með
markvissum hætti og starfsfólk, viðskiptavinir og fjárfestar upplýst reglulega um markmið og þann árangur sem
næst í fjárfestakynningum og í árs- og sjálfbærniskýrslu félagsins. Í fjárfestingum og rekstri fasteigna er horft til
langs tíma, en það er trú félagsins að áhersla á sjálfbærni dragi úr hættu í rekstri félagsins og styrki fjárhagslega
arðsemi til lengri tíma litið.
Ófjárhagslegar upplýsingar frh.
Samstæðureikningur Heima hf. 2024 41
Félagið leggur áherslu á að samþætta Heimsmarkmið Sameinuðu þjóðanna um sjálfbæra þróun við rekstur
félagsins. Lögð er megináhersla á sjö heimsmarkmið sem daglegur rekstur þess hefur mest áhrif á og eru
markmiðin eftirfarandi: Heilsa og vellíðan, jafnrétti kynjanna, sjálfbær orka, góð atvinna og hagvöxtur, sjálfbærar
borgir og samfélög, ábyrg neysla og framleiðsla ásamt aðgerðum í loftslagsmálum. Sjá nánar um sjálfbærnistefnu,
markmið og árangur ásamt aðgerðum í sjálfbærniskýrslu félagsins sem gefin verður ú tí mars og birt á vefsíðu
þess, www.heimar.is
Umhverfisleg sjálfbærni
Heimar hafa á undanförnum árum farið í ýmsar aðgerðir og verkefni með það að leiðarljósi að minnka neikvæð
umhverfisáhrif og auka umhverfisvitund innan félagsins, meðal leigutaka og samfélagsins í heild. Umhverfisvottanir
fasteigna í eigu félagsins eru stór þáttur í því að greina þær áhættur sem hver fasteign skapar fyrir umhverfið og er
staðfesting þriðja aðila á því að rekstraraðili fylgi bestu stöðlum og kröfum í rekstri fasteigna. Heimar sjá um rekstur
í fasteignum í um þriðjungi eignasafns síns og er félagið því í einstakri aðstöðu til að minnka neikvæð umhverfisáhrif
þeirra fasteigna .
Þeir umhverfisþættir sem metnir voru mikilvægastir hjá Heimum út frá tvöföldu mikilvægisgreiningunni eru orka og
mildun loftslagsbreytinga. Í samræmi við kröfur ESRS verður því sérstök áhersla lögð á upplýsingagjöf um þá þætti
í sjálfbærniskýrslu félagsins. Til viðbótar velur félagið að fjalla einnig um vatnsnotkun, hringrásarhagkerfið og
úrgang þar sem umfang þess í starfsemi Heima er töluvert og mörg tækifæri til umbóta. Markmið félagsins í
umhverfislegri sjálfbærni snúa m.a. að fyrrgreindum þáttum og verða endurskoðuð á árinu 2025 með tilliti til
niðurstöðu úr tvöföldu mikilvægisgreiningunni og árangurs ársins. Markmið, árangur og langtímamarkmið í
umhverfislegri sjálfbærni verða birt í sjálfbærniskýrslu félagsins fyrir árið 2024.
Félagið hefur sett sér markmið um að draga úr losun gróðurhúsalofttegunda frá rekstri og við framkvæmdir og
kolefnisjafna þá losun sem tengist starfsemi fyrirtækisins. Heimar hafa að auki skuldbundið sig til að setja markmið
um minnkun losunar gróðurhúsalofttegunda samkvæmt SBTi aðferðafræðinni og fengið þá skuldbindingu
samþykkta. Með hliðsjón af því er hafin vinna við að ná utan um fleiri þætti kolefnislosunar frá starfseminni, þá helst
vegna umfangs 3, óbeinnar losunar frá virðiskeðju félagsins. Gert er ráð fyrir að skila inn vísindalega nálguðum
markmiðum til samþykktar til SBTi eigi síðar en á síðari hluta ársins 2026. Greint er frá umfangi 1, 2 og 3 í eignum
í rekstri félagsins sem og eigin rekstri. Vinnu við kortlagningu umfangs 3 er ekki lokið, en tekist hefur að ná utan
um kolefnisspor vegna útleigðra eigna í frálagi (e. downstream leased assets), þ.e. rafmagn og heitt vatn frá
leigueignum, í umfangi 3. Birtist það í töluverðri hækkun í losunarbókhaldi félagsins og tilfærslu milli umfangs 2 og
3. Þessar breytingar á umhverfisuppgjörinu eru hluti af vegferð Heima í að ná utan um alla losun félagsins, bæði
beina og óbeina, í samræmi við kröfur SBTi og ESRS. Heimar kolefnisjafna losun frá eigin rekstri fyrir árið, þ.e.
umfang 1, 2 og ferðir starfsmanna í umfangi 3. Nánar verður gert grein fyrir aðferðafræði og vinnu við kortlagningu
kolefnisspors í sjálfbærniskýrslu félagsins sem birt verður á vefsíðu þess, www.heimar.is.
Heimar vilja nýta náttúruauðlindir með ábyrgum hætti og leita leiða til að draga úr notkun þeirra ásamt því að
hámarka hlutfall endurnýjanlegrar orku. Framkvæmdastjórn félagsins staðfesti Orku- og vatnsstefnu þann 9. janúar
2025 sem miðar að því að lágmarka notkun félagsins á orku og vatni. Framkvæmdastjórn félagsins staðfesti
jafnframt Endurvinnslustefnu þann 24. janúar 2025 sem miðar að því að auka endurvinnsluhlutfall sorps og minnka
umfang. Félagið vill lágmarka innkaup og notkun á vörum sem eru skaðlegar umhverfinu og áhersla lögð á að
draga úr magni sorps og hækka flokkunarhlutfall þess. Félagið er einnig með í gildi stefnu um endurnýjun kæliefna,
sem samþykktar var af framkvæmdastjórn félagsins þann 24. janúar 2025. Þá er félagið með í gildi sjálfbæra
innkaupastefnu sem samþykkt var af framkvæmdastjórn félagsins þann 27. janúar 2025.
Félagið hefur á síðustu árum unnið að umhverfisvottun fasteigna og í árslok 2024 hafði 38% eignasafnsins fengið
BREAAM In-Use umhverfisvottun. Áfram verður unnið að bæði nývottunum og endurvottunum eigna á árinu 2025.
Lögð er áhersla á að minnka neikvæð umhverfisáhrif af rekstri í eignum Heima með því að hvetja og styðja
viðskiptavini í þeirri vegferð, m.a. með grænum leigusamningum þar sem lögð er áhersla á markmiðasetningu og
árangursmat. Grænir leigusamningar, sem voru orðnir 19 í lok árs 2024, eru í stöðugri þróun hjá félaginu og er
unnið að því að einfalda viðskiptavinum að bæði miðla og móttaka þær upplýsingar sem óskað er eftir á rafrænum
vettvangi. Áframhaldandi áhersla verður lögð á innleiðingu grænna leigusamninga á árinu 2025.
Félagsleg sjálfbærni
Heimar leitast við að tryggja öruggt og heilbrigt umhverfi jafnt innanhúss og umhverfis fasteignir félagsins. Hjá
Heimum er áhersla lögð á sjálfbær sjónarmið í skipulagsmálum og byggingum og þar með aukin lífsgæði og
vellíðan þeirra sem þar fara um. Samfélagslegir þættir eru einnig hafðir í huga við skipulag og þegar hugað er að
vettvangi til aukinna samskipta félagsins við viðskipavini og aðra ytri hagaðila. Gerðar eru reglulegar
starfsánægjukannanir hjá Heimum og leggur félagið áherslu á að huga að góðu og öruggu starfsumhverfi og
fækkun veikindadaga starfsfólks. Að sama skapi eru gerðar reglulegar þjónustukannanir meðal viðskiptavina
félagsins sem miða að því að bregðast við óskum viðskiptavina.
Ófjárhagslegar upplýsingar frh.
Samstæðureikningur Heima hf. 2024 42
Í tvöföldu mikilvægisgreiningunni voru áhættuþættir félagslegrar sjálfbærni metnir. Markmið félagsins endurspegla
niðurstöður þeirrar greiningar og snúa m.a. að vinnuaðstæðum, jafnri meðferð og tækifærum fyrir öll. Þessi
markmið eru endurskoðuð árlega með tilliti til mikilvægisgreiningar og árangurs á árinu.
Markmiðum í tengslum við félagslega þætti er ætlað að stuðla m.a. að góðri heilsu starfsfólks og starfsánægju,
öruggu starfsumhverfi, að virða mannréttindi í allri virðiskeðju félagsins ásamt því að viðhalda jöfnum launum
kynjanna. Langtímamarkmið félagsins er að starfsánægja sé 4,2 af 5,0 eða meira en hún mældist 4,4 á árinu 2024
sem er aukning frá síðustu tveimur árum.
Til að stuðla að öruggu starfsumhverfi starfsfólks eru t.d. haldin námskeið um eldvarnarhættu, skyndihjálp og
námskeið um meðhöndlun vinnuvéla. Félagið er með í gildi starfs- og siðareglur, sem staðfestar voru af stjórn 28.
ágúst 2024 og eru aðgengilegar á vefsíðu félagsins. Í reglunum er mælt fyrir um að starfsfólk skuli koma fram af
fagmennsku og heiðarleika. Virðing, sanngirni, kurteisi og sæmd skulu einkenna öll samskipti við viðskiptavini,
samstarfsfólk og aðra sem stofnað er til viðskiptasambands við. Heimar virða mannréttindi sem eina af
grundvallarstoðum samfélagsins en til að festa í sessi mikilvægi þessa og sporna gegn áhættu á
mannréttindabrotum gerir félagið ákveðnar kröfur til leigutaka, verktaka og birgja. Nýjum ákvæðum þess efnis hefur
verið bætt inn í staðlað form leigu-, verk- og þjónustusamninga. Verktökum er þannig gert að vinna að samfélags-
og keðjuábyrgð m.a. með því að tryggja að starfsemi þeirra brjóti ekki gegn almennum mannréttindum s.s.
réttindum á vinnumarkaði og tryggja góðan aðbúnað á vinnustað ásamt því að sýna ábyrga hegðun í
umhverfismálum. Heimar eru með í gildi birgjastefnu, samþykkta af framkvæmdastjórn 27. janúar 2025, sem nær
til allra stærri og/eða viðvarandi birgja félagsins. Stefnunni er ætlað að gefa góða mynd af því til hvers Heimar
ætlast af þeim birgjum sem að félagið kaupir þjónustu af og/eða vörur, hvað varðar félagslega þætti, umhverfismál
og stjórnarhætti.
Í viðleitni til þess að viðhalda jöfnum launum kynjanna er við ákvörðun launa og fríðinda hjá félaginu litið til ákvæða
laga nr. 150/2020 um jafna stöðu og jafnan rétt kynjanna. Viðmið sem lögð eru til grundvallar launaákvörðunum
skulu ekki fela í sér kynjamismun. Gildandi jafnréttis- og jafnlaunastefnur voru staðfestar af stjórn þann 20. júní
2024. Félagið hlaut jafnlaunavottun eftir endurvottunarúttekt og staðfestingu Jafnréttisstofu á jafnréttisáætlun
félagsins á árinu 2024. Markmiðið er að tryggja jafnræði við ákvörðun launa og sjá til þess að starfsfólk njóti jafnra
kjara fyrir sömu eða jafnverðmæt störf óháð kyni. Niðurstaða jafnlaunagreiningar sýnir að laun karla árið 2023 voru
1,4% hærri en laun kvenna þegar búið er að taka tillit til leiðrétts launamunar. Úttekt vegna jafnlaunagreiningar fyrir
2024 mun fara fram í febrúar 2025. Í stjórn Heima fyrir starfsárið 2024-2025 voru þrjár konur (60%) og tveir karlar
(40%) og uppfyllir félagið því ákvæði hlutafélagalaga um kynjahlutföll í stjórnum hlutafélaga.
Markmið, árangur og langtímamarkmið í félagslegri sjálfbærni verða birt í sjálfbærniskýrslu félagsins fyrir árið 2024.
Stjórnarhættir
Stjórnarhættir Heima eru í samræmi við lög nr. 2/1995 um hlutafélög, leiðbeiningar um stjórnarhætti fyrirtækja sem
gefnar eru út af Viðskiptaráði Íslands, NASDAQ Iceland og samtökum atvinnulífsins, samþykktir félagsins og
starfsreglur stjórnar.
Heimar fengu árið 2024 viðurkenningu Stjórnvísis sem Fyrirmyndarfyrirtæki í góðum stjórnarháttum 2023-2024.
Stjórn félagsins og undirnefndir hafa framkvæmt formlegt árangursmat vegna starfa sinna á árinu 2024. Með
árangursmatinu leggur stjórn mat á störf sín og verklag, verkefni og árangur auk veikleika og styrkleika. Dregin eru
fram þau atriði sem stjórn telur að betur megi fara. Helstu matsþættir eru stjórnarfundir, verkefni stjórnar,
upplýsingagjöf, stefnumótun og framtíðarsýn, áhættustjórnun, störf stjórnarmanna, stjórnarformanns og forstjóra.
Stjórn leggur einnig mat á störf undirnefnda stjórnar, endurskoðunarnefndar og starfskjaranefndar, auk þess sem
nefndirnar sjálfar framkvæma árangursmat á sínum störfum. Stjórn gerir aðgerðaráætlun í kjölfar árangursmatsins
til að vinna úr þeim úrbótatækifærum sem fram komu með það að markmiði að auka árangur sinn, skilvirkni og
fagmennsku í störfum. Í árangursmatinu kom fram að stjórn taldi að allir stjórnarmenn hefðu tekið virkan þátt í
stjórnarstörfum og að umræður væru opnar og gagnrýnar. Stjórnarmenn voru taldir vinna störf sín af fagmennsku
og heilindum og búa yfir breiðri þekkingu og reynslu á þeim sviðum sem stjórnarstörf og rekstur félagsins tækju til.
Einnig var samsetning stjórnar talin góð. Hlutverk stjórnar er talið vel skilgreint og verkefni hennar skýr og er áhersla
lögð á stefnumótun og framtíðarsýn í störfum stjórnar.
Á árinu 2024 voru lykilmælikvarðar og markmið varðandi stjórnarhætti sett í samræmi við niðurstöður tvöföldu
mikilvægisgreiningarinnar þar sem fyrirtækjamenning og birgjatengsl voru metin mikilvægust. Árangur í
sjálfbærniþáttum tengdum stjórnarháttum má sjá í UFS tilvísunartöflu félagsins fyrir árið 2024 í sjálfbærniskýrslu
félagsins. Ófjárhagsleg upplýsingagjöf félagsins, sem fram kemur í sjálfbærniskýrslu félagsins, tekur jafnframt mið
af UFS leiðbeiningum útgefnum af Nasdaq á Íslandi og Norðurlöndunum. Auk þessa er horft til CSRD og
flokkunarreglugerðarinnar, sem hefur þegar tekið gildi á Íslandi, auk ESRS.
Félagið setti sér arðgreiðslustefnu upphaflega á árinu 2019 þar sem fram kemur að félagið stefni að því að greiða
til hluthafa sinna sem nemur um þriðjungi hagnaðar næstliðins rekstrarárs, annað hvort í formi arðgreiðslna eða
með kaupum á eigin bréfum. Gildandi arðgreiðslustefna var staðfest af stjórn 3. febrúar 2025.
Ófjárhagslegar upplýsingar frh.
Samstæðureikningur Heima hf. 2024 43
Finna má nánari upplýsingar um stjórnarhætti félagsins á vefsíðu félagsins, www.heimar.is, og í sjálfbærniskýrslu
félagsins sem gefin verður út í mars 2025.
Upplýsingagjöf vegna flokkunarreglugerðar ESB
Heimar birta upplýsingar um hlutfall veltu, fjárfestingargjalda og rekstrargjalda fyrir þá starfsemi sem
flokkunarkerfið nær yfir, sbr. flokkunarreglugerð 2020/852/ESB (EU Taxomomy) sbr. lög nr. 25/2023. Samkvæmt
reglugerðinni skal það gert án tillits til þess hvort viðkomandi starfsemi uppfyllir tæknileg viðmið reglugerðarinnar
(taxonomy eligible economic activity). Félagið birtir einnig þessar upplýsingar fyrir þá þætti starfseminnar sem
uppfylla öll viðmið reglugerðarinnar til að teljast umhverfislega sjálfbær (taxonomy aligned economic activity).
Hæf starfsemi Heima í skilningi reglugerðarinnar
Atvinnustarfsemi er sögð vera hæf ef hún er skilgreind í framseldum reglugerðum ESB, settum á grundvelli
flokkunarreglugerðarinnar, um þau tæknilegu matsviðmið sem atvinnustarfsemi þarf að uppfylla til að teljast
umhverfislega sjálfbær samkvæmt flokkunarkerfinu. Ef flokkunarkerfið nær yfir atvinnustarfsemi telst hún vera
hæf starfsemi.
Framselda reglugerðin nr. 2021/2139/ESB fjallar um umhverfismarkmiðin mildun og aðlögun að
loftslagsbreytingum. Samkvæmt reglugerðinni nær flokkunarkerfið til þeirrar atvinnustarfsemi sem er mikilvæg til
að draga úr útblæstri gróðurhúsalofttegunda og styrkja viðnámsþol samfélagsins gegn áhrifum loftslagsbreytinga.
Aðalstarfsemi Heima felst í fjárfestingu, útleigu og rekstri atvinnuhúsnæðis. Starfsemi félagsins fellur því undir
flokk 7.7 í reglugerðinni, sem tekur til kaupa og eignarhalds á byggingum. Þar undir falla m.a. fasteignakaup og
eignarhald (NACE L68.1), sem og leiga og rekstur fasteigna í eigin eigu eða sem leigueignir (NACE L68.2).
Á grundvelli þessa fellur starfsemi Heima undir umhverfismarkmiðið mildun loftslagsbreytinga, og upplýsingagjöf
félagsins byggir á því markmiði.
Viðmið fyrir umhverfislega sjálfbæra atvinnustarfsemi
Hér má finna samantekt yfir viðmið fyrir umhverfislega sjálfbæra atvinnustarfsemi undir flokki 7.7. Kaup og
eignarhald á byggingum út frá mildun loftslagsbreytinga og aðlögunar að loftslagsbreytingum:
MILDUN
AÐLÖGUN
Verulegt framlag
Orkunýtingarvottorð
Byggingar uppfulli viðmið í þætti 7.1
Vöktun og mat á orkunýtingu
Aðlögunarlausnir í framkvæmd sem draga
úr loftslagsáhættum
Loftslagsáhættu- og veikleikamat
Loftslagsframreikningar
Aðlögunarlausnir sem komið er í
framkvæmd
Valda ekki
umtalsverðu tjóni
Starfsemin er í samræmi við viðmiðanir í
flokkun loftslagstengdra hætta
Orkunýtingarvottorð
Byggingar uppfylli viðmið í þætti 7.1
Vöktun og mat á orkunýtingu
Lágmarks
verndarráðstafanir
Kjarnaviðfangsefni út frá kröfum í 18. gr 2020/852/ESB meðal annars:
Mannréttindi
Spilling og mútur
Skattlagning
Sanngjörn samkeppni
Áhersla Heima undanfarin ár hefur verið að draga úr loftslagsáhrifum eða milda loftlagsáhrif með markvissum
aðgerðum, en minni þörf hefur verið á aðlögun. Starfsemi félagsins tengist því aðallega mildun loftslagsáhrifa.
Til þess að kaup og eignarhald á byggingum teljist vera verulegt framlag til mildunar loftslagsbreytinga þurfa
byggingar, sem eru byggðar fyrir 31. desember 2020, annað hvort að vera með orkunýtingarvottorð samkvæmt
tilskipun 2010/31/ESB um orkunýtingu bygginga í flokki A, eða teljast til efstu 15% bygginga af landsbundnum
eða svæðisbundnum byggingarkosti. Að sama skapi þurfa stórar byggingar aðrar en íbúðarhúsnæði að vera
reknar með skilvirkum hætti með vöktun og mati á orkunýtingu. Nær allar byggingar í eignasafni Heima voru
byggðar fyrir árslok 2020.
Ófjárhagslegar upplýsingar frh.
Samstæðureikningur Heima hf. 2024 44
Verulegt framlag
Tilskipun ESB um orkunýtingu bygginga 2010/31/ESB
Tilskipun 2010/31/ESB um orkunýtingu bygginga var tekin upp í gegnum EES-samninginn með ákvörðun
sameiginlegu EES-nefndarinnar nr. 135/2022 frá 29. apríl 2022 en Ísland fékk tímabundna og skilyrta undanþágu
frá beitingu hennar. Tilskipun 2010/31/ESB gildir því ekki um Ísland. Af þessu leiðir að engin formleg
orkunýtingarvottorð fyrir byggingar eru gefin út hér á landi.
Af þessum sökum er því fyrir hendi ómöguleiki varðandi upplýsingagjöf Heima er snýr að því að sýna hlutfall
veltu, rekstrargjalda og fjárfestingargjalda sem fellur að flokkunarkerfinu (taxonomy aligned) þar sem ekki eru til
upplýsingar eða viðmið um orkunýtingu fasteigna á Íslandi. Ekki eru fyrir hendi önnur tæknileg viðmið fyrir
starfsemi Heima sem gera félaginu kleift að sýna fram á verulegt framlag til umhverfismarkmiða
flokkunarreglugerðarinnar.
Unnið er að erindi til innsendingar í samráðsgátt Evrópusambandsins í gegnum EU Taxonomy Stakeholder
Request Mechanism (samskiptagátt hagsmunaaðila) þar sem rök færð fyrir því hvernig BREEAM vottun gæti nýst
til mats á orkunýtni fasteigna og þar með hvernig byggingar félagsins gætu fallið að flokkunarkerfinu þó stjórnvöld
hafi enn ekki gefið út orkunýtingarvottorð.
Að valda ekki umtalsverðu tjóni
Samkvæmt almennum viðmiðum um að valda ekki umtalsverðu tjóni, sem fram koma í Viðbæti A við I. viðauka
tæknilegu matsviðmiðanna, ber að meta og draga úr áhættu vegna loftslagsbreytinga. Í þessu samhengi hafa
Heimar framkvæmt loftslagsáhættu- og veikleikamat á eignasafni félagsins, með skimun á efnislegri
loftslagsáhættu í samræmi við leiðbeiningar viðbætisins.
Matið var framkvæmt á fasteignum félagsins á höfuðborgarsvæðinu og á Akureyri, sem samanlagt telja um 99%
af heildarfermetrum eignasafnsins. Niðurstöður matsins leiddu í ljós að starfsemi félagsins er ekki í teljandi
áhættu vegna loftslagstengdrar hættu, eins og hún er skilgreind í Viðbæti A.
Lágmarksverndarráðstafanir
Við mat á lágmarksverndarráðstöfunum samkvæmt flokkunarreglugerðinni er lögð áhersla á kjarnaviðfangsefni út
frá kröfum í 18. gr. flokkunarreglugerðarinnar sem eru meðal annars: mannréttindi, spilling og mútur, skattlagning
og sanngjörn samkeppni.
a. Mannréttindi
Heimar leggja áherslu á að tryggja öryggi og stuðla að heilbrigðu umhverfi og vellíðan starfsfólks, viðskiptavina
og gesta. Í sjálfbærnistefnu Heima kemur fram að félagið virðir mannréttindi sem eina af grundvallarstoðum
samfélagsins og fylgir mikilvægum grunngildum er varða mannréttindi í allri sinni starfsemi og gerir sömu kröfu til
birgja sinna. Félagið samþykkir ekki barna- og nauðungarvinnu í virðiskeðju sinni.
Félagið gerir ákveðnar kröfur til leigutaka, verktaka og birgja og hefur ákvæðum þess efnis verið bætt inn í
staðlað form leigu-,verk- og þjónustusamninga. Þar kemur fram að tryggja skuli að starfsemi sé í samræmi við lög
og reglur á hverjum tíma, brjóti ekki gegn almennum mannréttindum, svo sem réttindum á vinnumarkaði og
góðum aðbúnaði á vinnustað. Þá skuli einnig hafa að leiðarljósi ákvæði laga nr. 46/1980, um aðbúnað,
hollustuhætti og öryggi á vinnustöðum í starfsemi sinni. Verði leigutaki, verktaki eða birgi uppvís að ólögmætri
vinnu barna, nauðungarvinnu, hvers kyns spillingu eða mútum af einhverju tagi eða annarri ólöglegri starfsemi
áskilur félagið sé rétt til að slíta viðkomandi samningsambandi. Verktökum er gert að vinna að samfélags- og
keðjuábyrgð m.a. með því að tryggja að starfsemi þeirra brjóti ekki gegn almennum mannréttindum s.s. réttindum
á vinnumarkaði og góðum aðbúnaði á vinnustað ásamt því að sýna ábyrga hegðun í umhverfismálum.
Heimar eru með í gildi birgjastefnu, sem samþykkt var af framkvæmdastjórn þann 27. janúar 2025, sem nær til
allra stærri og/eða viðvarandi birgja félagsins. Stefnunni er ætlað að gefa góða mynd af því til hvers Heimar
ætlast af þeim birgjum sem að félagið kaupir þjónustu af og/eða vörur, hvað varðar félagslega þætti,
umhverfismál og stjórnarhætti. Heimar hafa ekki gerst brotlegir við löggjöf eða reglur á sviði mannréttinda.
Eitt af markmiðum Heima tengt félagslegri sjálfbærni er að viðhalda jöfnum launum kynjanna. Félagið hlaut
jafnlaunavottun og staðfestingu Jafnréttisstofu á jafnréttisáætlun félagsins á árinu 2024. Markmiðið er að tryggja
jafnræði við ákvörðun launa og sjá til þess að starfsfólk njóti jafnra kjara fyrir sömu eða jafnverðmæt störf óháð
kyni. Heimar uppfylla allar lagaskyldur er snúa að félagafrelsi og stofnun þeirra.
Heimar hafa innleitt reglur um vernd uppljóstrara sem eru aðgengilegar á vef félagsins. Markmið reglnanna er að
stuðla að því að upplýst verði um lögbrot og aðra ámælisverða háttsemi og þannig megi minnka líkur á slíku
hátterni. Þá er félagið með í gildi persónuverndarstefnur, bæði fyrir Heima og dótturfélög og svo fyrir starfsfólk
Heima og dótturfélaga, sem tryggja vernd persónupplýsinga og að vinnsla þeirra sé í samræmi við lög nr.
90/2018 um persónuvernd og vinnslu persónupplýsinga, sbr. síðari breytingar.
Ófjárhagslegar upplýsingar frh.
Samstæðureikningur Heima hf. 2024 45
b. Spilling og mútur
Verklag innan félagsins einkennist af góðu viðskiptasiðferði, heilbrigðum viðskiptaháttum og ábyrgð. Með vandað
viðskiptasiðferði að leiðarljósi er leitast við að koma ávallt fram af sanngirni og heilindum. Hvers kyns spilling,
mútur af einhverju tagi eða önnur ólögleg starfsemi verður ekki liðin undir neinum kringumstæðum.
Í starfs- og siðareglum félagsins, sem voru samþykktar af stjórn 28. ágúst 2024, og eru aðgengilegar á vef
félagsins, kemur fram að stjórnendur og starfsmenn skulu aldrei láta einkahagsmuni stangast á við hagsmuni
félagsins eða viðskiptavini þess. Félagið hefur sett sér verkferla um þær aðgerðir sem gripið er til komi til brota á
starfs- og siðareglum félagsins. Leigutakar, verktakar og birgjar eru upplýstir um afstöðu félagsins gagnvart
spillingu og mútum en upplýsingar þess efnis má finna í stöðluðum leigu, verk-, og þjónustusamningsformum
félagsins. Verði samningsaðili uppvís að ólögmætri vinnu barna, nauðungarvinnu, hvers kyns spillingu eða
mútum af einhverju tagi eða annarri ólöglegri starfsemi áskilur félagið sé rétt til að slíta viðkomandi
samningsambandi.
Hvorki Heimar né stjórnendur félagsins hafa gerst brotlegir við löggjöf eða reglur á þessu sviði.
Heimar hafa í gildi áhættumat og verklagsreglur um framkvæmd áreiðanleikakannana og auðkenningu á
leigutaka félagsins sbr. lög nr. 140/2018 um aðgerðir gegn peningaþvætti og fjármögnun fyrirtækja. Stefna Heima
hf. og dótturfélaga um aðgerðir gegn peningaþvætti og fjármögnun hryðjuverka var staðfest af framkvæmdastjórn
10. desember 2024. Áreiðanleikakannanir eru framkvæmdar á öllum viðskiptaaðilum Heima áður en stofnað er til
viðvarandi samningssambands.
c. Skattamál
Heimar starfa á Íslandi, greiða eingöngu skatta á Íslandi og haga skattamálum sínum í samræmi við lög og
reglur.
Heimar líta á skattaáhættu sem hvers kyns óvissu sem stafar af túlkun skattalaga eða framkvæmd þeirra í
rekstrarlegum eða skattalegum skilningi, sem geta haft slæm áhrif á samstæðuna fjárhagslega eða orðsporslega.
Öll félög í samstæðu Heima eru með skattalegt lögheimili á Íslandi. Í viðskiptum við tengda aðila er meginreglum
OECD um armslengdarkjör fylgt og skattar greiddir þar sem verðmætin verða til.
Þó félagið hafi ekki sett sér opinbera skattastefnu þá er félagið með til staðar skýrar reglur um vernd uppljóstrara
sem starfsfólk getur notað til að miðla upplýsingum um óæskilega hegðun/aðgerðum t.a.m. á sviði skattamála,
stefnuna má sjá á heimasíðu félagsins, www.heimar.is
Heimar hafa ekki gerst brotlegir við löggjöf eða reglur á sviði skattamála.
d. Samkeppnismál
Heimar eru með í gildi samkeppnisstefnu, sem samþykkt var af stjórn félagsins 20. júní 2024 og er aðgengileg á
vef félagsins. Í samkeppnisstefnu Heima kemur fram að félagið einsetur sér að ástunda heilbrigða og virka
samkeppnishætti í allri starfsemi sinni. Með samkeppnisstefnunni vill félagið tryggja að samstæðan starfi ávallt á
grundvelli heiðarlegrar samkeppni sem stunduð er í samræmi við samkeppnislög. Samkeppnisstefnuna stendur
til að uppfæra nú í byrjun árs 2025. Á árinu 2024 voru stjórnendur með fræðslu um helstu lög og reglur sem gilda
í samkeppnismálum og einnig um þær skyldur sem hvíla á félaginu, stjórnendum og starfsfólki. Heimar tileinkar
sér góða viðskiptahætti í samræmi við lög og reglur til að fyrirbyggja háttsemi sem gæti brotið gegn
samkeppnislögum og þær alvarlegu afleiðingar sem slíkt hefði í för með sér.
Heimar hafa ekki gerst brotlegir við löggjöf eða reglur á sviði samkeppnismála.
e. Helstu niðurstöður
Það er mat félagsins að flokkunarkerfi flokkunarreglugerðar ESB nái yfir alla starfsemi félagsins (taxonomy
eligible).Þó er ekki hægt að sýna fram á með fullnægjandi gögnum hversu stórt hlutfall starfseminnar telst
umhverfislega sjálfbær í ljósi þess að tilskipun um orkunýtingu bygginga hefur ekki verið innleidd á Íslandi.
Margir áfangar í sjálfbærnivegferð Heima frá síðustu árum eru mikilsverðir. Sem dæmi má nefna BREEAM In-
Use vottanir og snjallsorp í stærstu eignum Heima, uppsetning rafhleðslustæða, græna leigusamninga og
jafnlaunavottun . Lögð er áhersla á að samþætta Heimsmarkmið Sameinuðu þjóðanna um sjálfbæra þróun og
rekstur félagsins og mun félagið halda því áfram til framtíðar. Þá er það mat félagsins að það uppfylli aðrar kröfur
flokkunarreglugerðarinnar er snúa að mildun loftslagsáhrifa, það er að valda ekki umtalsverðu tjóni og
lágmarksverndarráðstafanir.
Umhverfisvottaðar fasteignir Heima
Umhverfisvottanir fasteigna spila stórt hlutverk í að minnka þau neikvæðu umhverfisáhrif sem fasteignir félagsins
hafa. Í dag eru um 38% af eignasafni félagsins vottuð og eru það eignirnar Smáralind, Egilshöll, Katrínartún 2,
Borgartún 8-16 og nú síðast Áslandsskóli. Með umhverfisvottun fasteigna er m.a. hægt að greina þær áhættur
sem hver bygging skapar fyrir umhverfið auk þess sem þær eru staðfesting þriðja aðila á því að rekstraraðili fylgi
bestu stöðlum og kröfum í rekstri fasteigna. Vottunin auðveldar upplýsingagjöf til leigutaka um rekstrarþætti eins
og orkunotkun og sorpflokkun sem æ meiri eftirspurn er eftir.
Ófjárhagslegar upplýsingar frh.
Samstæðureikningur Heima hf. 2024 46
Allar umhverfisvottaðar eignir Heima uppfylla skilyrði til verulegs framlags til mildunar fyrir utan flokkun eigna skv.
orkunýtingartilskipuninni.
Lykilmælikvarðar
Evrópusambandið hefur gefið út leiðbeiningar um útreikning á lykilmælikvörðum í framseldri reglugerð
2021/2178/ESB og Heimar fylgir þeim leiðbeiningum. Ársreikningur samstæðunnar er birtur í samræmi við
alþjóðlega reikningsskilastaðla (IFRS) líkt og fram kemur í skýringu 2 í ársreikningi Heima. Útreikningar á
lykilmælikvörðum eru birtir á samstæðugrundvelli þar sem innri viðskiptum hefur verið eytt út til að forðast
tvítalningu. Eftirfarandi aðferðafræði var notuð við útreikninga á lykilmælikvörðum, veltu, fjárfestingagjöldum og
rekstrargjöldum, sem birt eru í töflum á bls. 47-49.
a. Velta
Tekjur Heima eru að langstærstum hluta vegna útleigu fasteigna og reksturs þeirra sem fellur undir flokkunarkerfi
Evrópusambandsins. Mat félagsins er að allar rekstrartekjur, sem eru færðar í rekstrarreikning í samræmi við
samninga á leigutíma falli undir flokk 7.7. og er um að ræða rekstrartekjur í samræmi við skýringu 4 í ársreikningi.
b. Fjárfestingargjöld
Til fjárfestinga sem falla undir flokkunarkerfið teljast beinar fjárfestingar í fjárfestingareignum félagsins vegna
fjárfestinga og endurbóta, líkt og fram kemur í skýringu 10 í ársreikningi. Um er að ræða heildarfjárfestingu ársins
2024 án afskrifta og matsbreytingar ársins. Þær fjárfestingar sem flokkunarkerfið nær ekki yfir eru eignir til eigin
nota, sem samanstanda af húseignum, bifreiðum og búnaði sem tengist ekki útleigu einstakra eigna og koma
fram í skýringu 11 í ársreikningi.
c. Rekstrargjöld
Til rekstrargjalda sem falla undir flokkunarkerfi Evrópusambandsins telst beinn kostnaður sem ekki er færður til
eignar, en tengist viðhaldi og rekstri á fjárfestingareignum félagsins á rekstrarárinu 2024. Talin eru með öll bein
útgjöld sem varða daglegt viðhald og rekstur, þar með talinn launakostnaður, sem nauðsynleg eru til að tryggja
áframhaldandi og skilvirkan rekstur eignanna. Rekstrargjöld sem tengjast starfsemi og eignum sem falla ekki
undir flokkunarkerfið varða viðhald og viðgerðir á öðrum varanlegum rekstrarfjármunum í eigu félagsins.
Ófjárhagslegar upplýsingar frh.
Samstæðureikningur Heima hf. 2024 47
Upplýsingar um veltu:
Atvinnustarfsemi (1)
Númer (2)
Heildarvelta (3)
Hlutfall veltu (4)
Mótvægi við loftslagsbreytingar
(5)*
Aðlögun að loftslagsbreytingum
(6)
Vatns- og sjávarauðlindir
(7)
Hringrásarhagkerfið
(8)
Mengun
(9)
Líffræðileg fjölbreytni og vistkerfi
(10)
Mótvægi við loftslagsbreytingar
(11)
Aðlögun að loftslagsbreytingum
(12)
Vatns- og sjávarauðlindir(13)
Hringrásarhagkerfið
(14)
Mengun
(15)
Líffræðileg fjölbreytni og vistkerfi
(16)
Lágmarks verndarráðstafanir
(17)
Hlutfall
veltu sem
fellur að
flokkunar-
kerfinu, ár
N(18)**
Hlutfall
veltu sem
fellur að
flokkunar-
kerfinu,ár
N-1 (19)
Flokkur/
starfsemi
sem gerir
annarri
starfsemi
kleift að
stuðla að
umhverf-
ismark-
miðum
(20)
Flokkur
"(umbreyting
ar- starfemi)"
(21)
ISK % % % % % % % Já/Nei Já/Nei Já/Nei Já/Nei Já/Nei Já/Nei Já/Nei % % E T
100%
0% 0% 0% 0% 0% 0% 0% 0% ÁEV
0,00 0% 0% 0% 0% 0% 0% 0% Já Já Já Já Já Já Já 0% ÁEV 0% 0%
Kaup og eignarhald á byggingum 7.7 14.837.273.182,00 100%
14.837.273.182,00 100%
14.837.273.182,00 100%
0,00 0%
14.837.273.182,00 100%
Viðmið fyrir verulegt framlag
Viðmið fyrir verulegt tjón ("Veldur ekki verulegu tjóni")
A. STARFSEMI SEM FLOKKUNARKERFIÐ NÆR YFIR
A.1. Umhverfissjálfbær starfsemi (sem fellur að flokkunarkerfinu)
Velta frá starfsemi sem flokkunarkerfið nær
ekki yfir (B)
Alls (A+B)
Velta frá umhverfissjálfbærri starfsemi
(sem fellur að flokkunarkerfinu)(A.1)
A.2 Starfsemi sem flokkunarkerfið nær yfir en er ekki umhverfissjálfbær (sem fellur ekki að flokkunarkerfinu)
Velta frá starfsemi sem flokkunarkerfið nær
yfir en er ekki umhverfissjálfbær (starfsemi
sem fellur ekki að flokkunarkerfinu) (A.2)
Alls (A.1+A.2)
B. STARFSEMI SEM FLOKKUNARKERFIÐ NÆR EKKI YFIR
Ófjárhagslegar upplýsingar frh.
Samstæðureikningur Heima hf. 2024 48
Upplýsingar um rekstrargjöld:
Atvinnustarfsemi (1)
Númer (2)
Heildarvelta (3)
Hlutfall veltu (4)
Mótvægi við loftslagsbreytingar (5)*
Aðlögun að loftslagsbreytingum (6)
Vatns- og sjávarauðlindir
(7)
Hringrásarhagkerfið
(8)
Mengun
(9)
Líffræðileg fjölbreytni og vistkerfi
(10)
Mótvægi við loftslagsbreytingar
(11)
Aðlögun að loftslagsbreytingum
(12)
Vatns- og sjávarauðlindir(13)
Hringrásarhagkerfið
(14)
Mengun
(15)
Líffræðileg fjölbreytni og vistkerfi
(16)
Lágmarks verndarráðstafanir
(17)
Hlutfall
veltu sem
fellur að
flokkunar-
kerfinu, ár
N(18)**
Flokkur/
starfsemi
sem gerir
annarri
starfsemi
kleift að
stuðla að
umhverf-
ismark-
miðum
(20)
Flokkur
"(umbreyti
ngar-
starfemi)"
(21)
ISK % % % % % % % Já/Nei Já/Nei Já/Nei Já/Nei Já/Nei Já/Nei Já/Nei % E T
100%
0% 0% 0% 0% 0% 0% 0% 0%
0,00 0% 0% 0% 0% 0% 0% 0% Já Já Já Já Já Já Já 0% 0% 0%
Kaup og eignarhald á byggingum 7.7 962.820.559,00 100%
962.820.559,00 100%
962.820.559,00 100%
0,00 0%
962.820.559,00 100%
Rekstrargjöld frá starfsemi sem
flokkunarkerfið nær ekki yfir (B)
Alls (A+B)
Rekstrargjöld frá starfsemi sem er
umhverfissjálfbær (sem fellur að
flokkunarkerfinu) (A.1)
A.2 Starfsemi sem flokkunarkerfið nær yfir en er ekki umhverfissjálfbær (starfsemi sem fellur ekki að flokkunarkerfinu)
Rekstrargjöld frá starfsemi sem
flokkunarkerfið nær yfir en er ekki
umhverfissjálfbær (starfsemi sem ekki fellur
að flokkunarkerfinu) (A.2)
Alls (A.1+A.2)
B. STARFSEMI SEM FLOKKUNARKERFIÐ NÆR EKKI YFIR
Viðmið fyrir verulegt framlag
Viðmið fyrir verulegt tjón ("Veldur ekki verulegu tjóni")
A. STARFSEMI SEM FLOKKUNARKERFIÐ NÆR YFIR
A.1. Umhverfissjálfbær starfsemi (sem fellur að flokkunarkerfinu)
Ófjárhagslegar upplýsingar frh.
Samstæðureikningur Heima hf. 2024 49
Upplýsingar um fjárfestingargjöld:
Atvinnustarfsemi (1)
Númer (2)
Heildarvelta (3)
Hlutfall veltu (4)
Mótvægi við loftslagsbreytingar (5)*
Aðlögun að loftslagsbreytingum (6)
Vatns- og sjávarauðlindir
(7)
Hringrásarhagkerfið
(8)
Mengun
(9)
Líffræðileg fjölbreytni og vistkerfi
(10)
Mótvægi við loftslagsbreytingar
(11)
Aðlögun að loftslagsbreytingum
(12)
Vatns- og sjávarauðlindir(13)
Hringrásarhagkerfið
(14)
Mengun
(15)
Líffræðileg fjölbreytni og vistkerfi
(16)
Lágmarks verndarráðstafanir
(17)
Hlutfall
veltu sem
fellur að
flokkunar-
kerfinu, ár
N(18)**
Flokkur/
starfsemi
sem gerir
annarri
starfsemi
kleift að
stuðla að
umhverf-
ismark-
miðum (20)
Flokkur
"(umbreyti
ngar-
starfemi)"
(21)
ISK % % % % % % % Já/Nei Já/Nei Já/Nei Já/Nei Já/Nei Já/Nei Já/Nei % E T
100%
0% 0% 0% 0% 0% 0% 0% 0%
0,00 0% 0% 0% 0% 0% 0% 0% Já Já Já Já Já Já Já 0% 0% 0%
Kaup og eignarhald á byggingum 7.7 3.505.540.026,00 100%
3.505.540.026,00 100%
3.505.540.026,00 100%
0,00 0%
3.505.540.026,00 100%
Fjárfestingargjöld frá starfsemi sem
flokkunarkerfið nær ekki yfir (B)
Alls (A+B)
Fjárfestingargjöld frá starfsemi sem er
umhverfissjálfbær (sem fellur að
flokkunarkerfinu) (A.1)
A.2 Starfsemi sem flokkunarkerfið nær yfir en er ekki umhverfissjálfbær (starfsemi sem fellur ekki að flokkunarkerfinu)
Fjárfestingargjöld frá starfsemi sem
flokkunarkerfið nær yfir en er ekki
umhverfissjálfbær (starfsemi sem fellur ekki
að flokkunarkerfinu) (A.2)
Alls (A.1+A.2)
B. STARFSEMI SEM FLOKKUNARKERFIÐ NÆR EKKI YFIR
Viðmið fyrir verulegt framlag
Viðmið fyrir verulegt tjón ("Veldur ekki verulegu tjóni")
A. STARFSEMI SEM FLOKKUNARKERFIÐ NÆR YFIR
A.1. Umhverfissjálfbær starfsemi (sem fellur að flokkunarkerfinu)
Ófjárhagslegar upplýsingar frh.
Samstæðureikningur Heima hf. 2024 50
Upplýsingar um starfsemi í tengslum við kjarnorku og jarðgas:
Lína
Starfsemi sem tengist kjarnorku
1
Fyrirtækið annast, fjármagnar eða er með áhættuskuldbindingar vegna rannsókna,
þróunar, sýniverkefna og uppbyggingar á nýjungum í raforkuframleiðslustöðvum sem
framleiða orku úr kjarnorkuvinnslu með lágmarksúrgangi frá hringrás eldsneytis.
NEI
2
Fyrirtækið annast, fjármagnar eða er með áhættuskuldbindingar vegna uppbyggingar
og öruggs reksturs nýrra kjarnorkuvirkja fyrir framleiðslu á raforku eða vinnslu á
varma, þ.m.t. vegna fjarhitunar eða iðnaðarferla á borð við vetnisframleiðslu, ásamt
öryggisuppfærslum á þeim með notkun bestu aðgengilegu tækni.
NEI
3
Fyrirtækið annast, fjármagnar eða er með áhættuskuldbindingar vegna öruggs
reksturs kjarnorkuvirkja í rekstri sem framleiða raforku eða vinna varma, þ.m.t. vegna
fjarhitunar eða iðnaðarferla á borð við vetnisframleiðslu úr kjarnorku, ásamt
öryggisuppfærslum.
NEI
Starfsemi sem tengist jarðgasi
4
Fyrirtækið annast, fjármagnar eða er með áhættuskuldbindingar vegna uppbyggingar
eða reksturs raforkuframleiðslustöðva sem framleiða raforku með notkun loftkennds
jarðefnaeldsneytis.
NEI
5
Félagið annast, fjármagnar eða er með áhættuskuldbindingar vegna uppbyggingar,
endurnýjunar og reksturs samþættra varma-/kæli- og orkuframleiðslustöðva með
notkun loftkennds jarðefnaeldsneytis.
NEI
6
Félagið annast, fjármagnar eða er með áhættuskuldbindingar vegna byggingar,
endurnýjunar og reksturs varmaframleiðslustöðva sem framleiða varma/kæla með
notkun loftkennds jarðefnaeldsneytis.
NEI
Samstæðureikningur Heima hf. 2024 51
Skilgreiningar vegna ESEF skýrsluskila (óendurskoðað)
Nafn fyrirtækis Heimar hf.
Lögformleg skráning fyrirtækis Hlutafélag
Skráningarland fyrirtækis Ísland
Aðsetur fyrirtækis Hagasmári 1, 201 Kópavogur
Aðalstarfsstöð fyrirtækis Hagasmári 1, 201 Kópavogur
Land aðalstarfsstöðvar Ísland
Lýsing á starfsemi félagsins Grunnþættir viðskiptalíkans félagsins eru í
Nafn móðurfélags Heimar hf.
Heiti endanlegs móðurfélags Heimar hf.